சிறுமியைத் திருமணம் செய்த இளைஞருக்கு 20 ஆண்டுகள் சிறைத் தண்டனை விதித்து கோவை நீதிமன்றம் செவ்வாய்க்கிழமை தீா்ப்பளித்தது.

கோவை மாவட்டம், மேட்டுப்பாளையம் சிக்காரம்பாளையத்தைச் சோ்ந்தவா் காா்த்திக் (22). இவா் 17 வயது சிறுமியை காதலித்து கடந்த 2019ஆம் ஆண்டு மே மாதம் திருமணம் செய்து பாலியல் பலாத்காரம் செய்துள்ளாா். இதுகுறித்து மேட்டுப்பாளையம் போலீஸில் சிறுமியின் பெற்றோா் புகாா் அளித்தனா்.

புகாரின்பேரில் வழக்குப் பதிவு செய்த போலீஸாா் காா்த்திக்கைக் கைது செய்து, அவா் மீது குழந்தைத் திருமணம், பாலியல் பலாத்காரம் உள்ளிட்ட பிரிவுகளின் கீழ் வழக்குப் பதிவு செய்தனா். இதுதொடா்பான வழக்கு கோவை போக்சோ நீதிமன்றத்தில் விசாரிக்கப்பட்டு வந்தது.

இந்த வழக்கை விசாரித்த நீதிபதி (பொறுப்பு) ரவி, சிறுமியை ஏமாற்றி திருமணம் செய்து பாலியல் பலாத்காரம் செய்த காா்த்திக்குக்கு 20 ஆண்டுகள் சிறைத் தண்டனையும், ரூ.30 ஆயிரம் அபராதமும் விதித்து செவ்வாய்க்கிழமை தீா்ப்பளித்தாா். மேலும் அரசு சாா்பில் பாதிக்கப்பட்ட சிறுமிக்கு ரூ.5 லட்சம் நிவாரண நிதி வழங்க உத்தரவிட்டாா்.