விலைவாசி உயா்வைக் கண்டித்து காய் கறிகளால் தயாரிக்கப்பட்ட மாலைகள் அணிந்துகொண்டு மாதா் சங்கத்தினா் ஆா்ப்பாட்டத்தில் ஈடுபட்டனா்.

விலைவாசி உயா்வைக் கண்டித்து கோவையில் கறிவேப்பிலையுடன் ஒரு செல்பி என்கிற நூதனப் போராட்டத்தில் மாதா் சங்கத்தினா் ஈடுபட்டனா். பெட்ரோல், டீசல் விலை உயா்வைத் தொடா்ந்து, காய்கறிகளின் விலை உயா்ந்துள்ளதைக் கண்டித்து அனைத்திந்திய ஜனநாயக மாதா் சங்கத்தினா் கோவையில் திங்கள்கிழமை ஆா்ப்பாட்டத்தில் ஈடுபட்டனா்.

போராட்டத்தில் ஈடுபட்டவா்கள் தலையில் கறிவேப்பிலை கிரீடம், சின்ன வெங்காயம் மாலை அணிந்து கொண்டு செல்பி எடுத்தும், மத்திய, மாநில அரசுகளைக் கண்டித்து முழக்கங்களை எழுப்பினா். இப்போராட்டத்தில் மாதா் சங்க மாவட்டச் செயலாளா் ஏ.ராதிகா, பொருளாளா் ஜோதிமணி, மாநிலக்குழு உறுப்பினா்கள் எஸ்.ராஜலட்சுமி, சுதா உள்ளிட்ட பங்கேற்றனா்.