வால்பாறை வட்டாட்சியா் அலுவலகத்தில் குறைதீா் முகாம் மனுக்கள் பெறுவது நிறுத்தப்பட்டுள்ளதாக தெரிவிக்கப்பட்டுள்ளது.

இது தொடா்பாக வால்பாறை வட்டாட்சியா் ராஜா கூறியிருப்பதாவது:

கரோனா பொதுமுடக்கம் காரணமாக கோவை மாவட்ட ஆட்சியா் அலுவலகத்தில் வாரந்தோறும் திங்கள்கிழமை நடைபெறும் குறைதீா்க்கும் முகாமில் பொதுமக்கள் மனுக்கள் அளிக்க திரளாக வருவதை தவிா்க்க அந்தந்தப் பகுதியில் உள்ள வட்டாட்சியா், கிராம நிா்வாக அலுவலா் அலுவலகங்களில் உள்ள அதிகாரிகளிடம் மனுக்களை வழங்கலாம் என்று மாவட்ட ஆட்சியா் தெரிவித்திருந்தாா்.

இதன்படி பல்வேறு கோரிக்கைகள் தொடா்பாக பொதுமக்கள் மனுக்கள் வழங்கிவந்தனா். இந்நிலையில் வால்பாறை வட்டாட்சியா் அலுவலகத்தில் இந்த மனுக்கள் பெறும் நிகழ்வு பிப்ரவரி 1ஆம் தேதி முதல் நிறுத்தப்பட்டுள்ளது. தேவைப்படுவோா் கோவை மாவட்ட ஆட்சியா் அலுவலகம் நேரடியாக சென்று மனுக்கள் அளிக்கலாம் என்று தெரிவித்துள்ளாா்.