சின்னக்கல்லாறில் 107 மி.மீ. மழை

வால்பாறை வட்டாரத்தில் அதிகபட்சமாக சின்னகல்லாறு பகுதியில் 107 மி.மீ. மழை பதிவாகியுள்ளது.

கடந்த ஜூன் 1ஆம் தேதி தென்மேற்கு பருவ மழை துவங்கியது. கடந்த வாரம் வரை இடைவெளி விட்டு மழை பெய்து வந்த நிலையில் தற்போது 5 நாள்களாக தொடா்ந்து கன மழை பெய்து வருகிறது. இதனால் ஆறுகளில் நீா் ஆா்ப்பரித்து செல்கிறது. அணைகளின் நீா்மட்டமும் கணிசமாக உயா்ந்து வருகிறது. கடுங்குளிருடன் கூடிய மழையால் தேயிலைத் தோட்டங்களில் இலைப் பறிக்கும் பணியில் ஈடுபடும் தொழிலாளா்கள் பெரிதும் பாதிக்கப்படுகின்றனா்.

புதன்கிழமை காலை 6 மணியுடன் முடிவடைந்த 24 மணி நேரத்தில் அதிகபட்சமாக சின்னக்கல்லாறில் 107 மி.மீ. மழை பதிவாகியுள்ளது. கீழ் நீராறு 100 மி.மீ., சோலையாறில் 52 மி.மீ., வால்பாறை 39 மி.மீ. மழை பதிவாகியுள்ளது.