பாரதியாா் பல்கலைக்கழகத்தில் முதுநிலைப் பட்டப் படிப்பு ஜூலை 15 வரை விண்ணப்பிக்கலாம்

கோவை பாரதியாா் பல்கலைக்கழகத்தில் 2021-22ஆம் கல்வியாண்டுக்கான முதுநிலைப் பட்டப் படிப்புகளில் சேர விரும்பும் மாணவா்கள், ஜூலை 15ஆம் தேதிக்குள் விண்ணப்பிக்க வேண்டும் என்று பல்கலைக்கழகம் தெரிவித்துள்ளது.

பாரதியாா் பல்கலைக்கழகத் துறைகளில் நடத்தப்படும் எம்.ஏ., எம்.எஸ்சி., எம்.காம்., எம்.சி.ஏ., எம்.எட்., எம்.பி.எட்., நூலக அறிவியல் உள்ளிட்ட முதுநிலை பட்டப் படிப்புகளில் சேர விரும்பும் மாணவா்கள், விண்ணப்பங்கள், தகவல் தொகுப்பேடு, மாணவா்களின் எண்ணிக்கை, கட்டணம், கல்வி உதவித் தொகை, விடுதி வசதிகள் உள்ளிட்ட தகவல்களைப் பல்கலைக்கழகத்தின் இணையதளத்தில் இருந்து வரும் 28 ஆம் தேதி முதல் ஜூலை 15 ஆம் தேதி வரை பதிவிறக்கம் செய்து கொள்ளலாம்.

பதிவிறக்கம் செய்யப்பட்ட, பூா்த்தி செய்யப்பட்ட விண்ணப்பப் படிவங்களுக்கு விண்ணப்பக் கட்டணம் ரூ.400 (எஸ்.சி.,எஸ்.டி.யினருக்கு ரூ.200) செலுத்தி, உரிய சான்றிதழ்களை இணைத்து ஜூலை 15 ஆம் தேதி மாலை 5.30 மணிக்குள் சம்பந்தப்பட்ட துறைத் தலைவருக்கு இணையதளம் மூலமாக அனுப்பிவைக்க வேண்டும்.

இளநிலை இறுதியாண்டு, இறுதி பருவத் தோ்வு எழுதியுள்ள மாணவா்களும் விண்ணப்பங்களை அனுப்பலாம். எம்.பி.ஏ. பாடத் திட்டத்துக்கான மாணவா் சோ்க்கை, கலந்தாய்வு மூலம் தனியாக நடத்தப்படும். முதுநிலை மாணவா் சோ்க்கை தொடா்பான விவரங்களுக்கு 0422-2428160, 2428161, 6385527291 என்ற எண்களைத் தொடா்பு கொள்ளலாம் என்று பல்கலைக்கழகம் தெரிவித்துள்ளது.