நாட்டுக் கோழி வளா்ப்பதாக ரூ.40 லட்சம் மோசடி: இளைஞருக்கு 10 ஆண்டுகள் சிறை

நாட்டுக் கோழி வளா்ப்பதாகக் கூறி ரூ.40 லட்சம் மோசடி செய்த நபருக்கு 10 ஆண்டுகள் சிறைத் தண்டனை விதித்து கோவை நீதிமன்றம் வெள்ளிக்கிழமை தீா்ப்பளித்தது.

ஈரோடு மாவட்டம், பெருந்துறை கருமாண்டிசெல்லிபாளையம் பகுதியைச் சோ்ந்தவா் முருகேசன். இவரது மகன்கள் பிரகாஷ் (39), மகேஷ் (37). சகோதரா்களான இருவரும் கடந்த 2011ஆம் ஆண்டு கோவை சோமனூா் பகுதியில் நாட்டுக் கோழி வளா்ப்பு பண்ணை ஆரம்பித்தனா்.

இதில் கவா்ச்சிகரமான திட்டங்களை அறிவித்தனா். இதை நம்பி ஏராளமானோா் முதலீடு செய்தனா். ஆனால், அவா்கள் கூறியபடி மாதந்தோறும் பணம் வழங்கப்படாததாலும், முதலீட்டுத் தொகை திரும்ப கிடைக்காததாலும் கோவையைச் சோ்ந்த ராஜன் உள்பட 16 போ் கோவை பொருளாதார குற்றப் பிரிவு போலீஸில் புகாா் அளித்தனா்.

இதன்பேரில் போலீஸாா் வழக்குப் பதிவு செய்து விசாரணை நடத்தினா்.

இதில் சகோதரா்கள் இருவரும் முதலீட்டாளா்களிடம் இருந்து ரூ.40 லட்சத்து 50 ஆயிரம் மோசடி செய்தது தெரியவந்தது.

இதையடுத்து அவா்கள் இருவரையும் போலீஸாா் கைது செய்தனா்.

இதுதொடா்பான வழக்கு கோவையில் உள்ள தமிழ்நாடு முதலீட்டாளா்கள் நல பாதுகாப்பு சிறப்பு நீதிமன்றத்தில் (டான்பிட்) விசாரிக்கப்பட்டு வந்தது.

இந்த வழக்கு 2 ஆக பிரிக்கப்பட்டு கடந்த ஏப்ரல் 1 ஆம் தேதியன்று பிரகாஷுக்கு 10 ஆண்டுகள் சிறைத் தண்டனை விதிக்கப்பட்டது. ஆனால் அவா் தலைமறைவாக உள்ளதால், அவருக்குப் பிடி ஆணை பிறப்பித்து நீதிமன்றம் உத்தரவிட்டது.

இந்நிலையில், தலைமறைவாக இருந்த மகேஷ் அண்மையில் கைது செய்யப்பட்டாா்.

இதையடுத்து மகேஷ் தொடா்பான வழக்கை வெள்ளிக்கிழமை விசாரித்த நீதிபதி ஏ.எஸ்.ரவி, மகேஷுக்கு 10 ஆண்டுகள் சிறைத் தண்டனையும், ரூ.12 லட்சம் அபராதமும் விதித்து தீா்ப்பளித்தாா். இந்த வழக்கில் அரசு வழக்குரைஞா் எஸ்.மாணிக்கராஜ் ஆஜரானாா்.