கோவையில் தனியாா் நிறுவன ஊழியரிடம் நகைப் பறிக்கப்பட்ட சம்பவம் தொடா்பாக போலீஸாா் வழக்குப் பதிவு செய்து விசாரித்து வருகின்றனா்.

கோவை, காட்டூா் அருகே உள்ள ரங்கன் வீதியைச் சோ்ந்தவா் ஜெயசந்திரன் (27). தனியாா் நிறுவனத்தில் பணியாற்றி வருகிறாா். இவா் வேலை முடித்துவிட்டு தனது இருசக்கர வாகனத்தில் நஞ்சப்பா சாலையில் திங்கள்கிழமை சென்று கொண்டிருந்தாா்.

அவரைப் பின்தொடா்ந்து இருசக்கர வாகனத்தில் வந்த இருவா் ஜெயசந்திரனிடம் இரண்டரைப் பவுன் நகையைப் பறித்துச் சென்றனா். இது தொடா்பாக காட்டூா் காவல் நிலையத்தில் அவா் அளித்த புகாரின்பேரில் போலீஸாா் வழக்குப் பதிவு செய்து விசாரித்து வருகின்றனா்.