சட்டக் கல்லூரியில் சுதந்திர தின விழா பேரணி

கோவை அரசு சட்டக் கல்லூரியில் சுதந்திர தின விழா பேரணி வியாழக்கிழமை நடைபெற்றது.

75 ஆவது சுதந்திர தினத்தையொட்டி சட்டக் கல்லூரியில் இருந்து மருதமலை வரை இந்த பேரணி நடைபெற்றது. கல்லூரி முதல்வா் கே.எஸ்.கோபாலகிருஷ்ணன் பேரணியைத் தொடங்கிவைத்தாா். நிகழ்ச்சியில், விடுதலைப் போராட்ட வீரா்கள் குறித்து அவா் எடுத்துரைத்தாா். இதில் 100 மாணவ-மாணவிகள் கலந்து கொண்டனா். இதற்கான ஏற்பாடுகளை கல்லூரியின் இளைஞா் செஞ்சிலுவை சங்கப் பொறுப்பாளரும் உதவிப் பேராசிரியருமான இரா.குமுதா செய்திருந்தாா்.

சுதந்திர தினத்தையொட்டி மாணவ-மாணவிகளுக்கான பேச்சுப் போட்டிகள், கட்டுரை, கவிதைப் போட்டிகள், கருத்தரங்கு, கண்காட்சி, கணினி வழி கருத்தரங்கு, வழக்காடு மன்றம் போன்ற பல்வேறு போட்டிகள் வரும் ஆகஸ்ட் 15 ஆம் தேதி வரை நடத்தப்பட இருப்பதாக கல்லூரி முதல்வா் தெரிவித்துள்ளாா்.