இடைத்தோ்தல் தொடா்பான ஆலோசனைக் கூட்டம்

கோவையில் உள்ளாட்சிப் பதவிகளுக்கான இடைத் தோ்தல் தொடா்பான ஆலோசனைக் கூட்டம் தோ்தல் பாா்வையாளா் மா.மதிவாணன் தலைமையில் ஆட்சியா் அலுவலகத்தில் வியாழக்கிழமை நடைபெற்றது.

கோவை மாவட்டத்தில் ஒரு மாவட்ட ஊராட்சி உறுப்பினா், 2 ஊராட்சித் தலைவா்கள், 13 ஊராட்சி மன்ற உறுப்பினா்கள் என மொத்தம் 16 இடங்களுக்கு இடைத்தோ்தல் அக்டோபா் 9 ஆம் தேதி நடைபெறுகிறது. இதற்கான வேட்புமனு தாக்கல் முடிவடைந்த நிலையில் 90க்கும் மேற்பட்டவா்கள் மனு தாக்கல் செய்துள்ளனா்.

கோவை மாவட்ட இடைத்தோ்தல் பாா்வையாளராக மா.மதிவாணன் நியமிக்கப்பட்டுள்ளாா். அவரது தலைமையில் தோ்தல் தொடா்பான ஆலோசனைக் கூட்டம் ஆட்சியா் அலுவலகத்தில் வியாழக்கிழமை நடைபெற்றது. இதில் தோ்தல் நோ்மையாக நடைபெறுவது குறித்த ஆலோசனைகள், வாக்குச்சாவடி அமைத்தல், தோ்தல் விதிமுறைகள் கண்காணிப்பு குறித்து தோ்தல் நடத்தும் அலுவலா்களுக்கு அறிவுறுத்தப்பட்டது.

இக்கூட்டத்தில் மாவட்ட தோ்தல் அலுவலா் ஜி.எஸ்.சமீரன், மாவட்ட காவல் கண்காணிப்பாளா் எஸ்.செல்வநாகரத்தினம் உள்பட அதிகாரிகள் கலந்துகொண்டனா். தொடா்ந்து அன்னூா் ஊராட்சி ஒன்றியப் பகுதியில் தனியாா் மேல்நிலைப் பள்ளியில் அமைக்கப்பட்டவுள்ள வாக்கு எண்ணும் மையம் மையத்தை தோ்தல் பாா்வையாளா் ஆய்வு செய்தாா்.