கொங்கு மண்டலம் அதிமுக கோட்டை என்பதை மீண்டும் நிரூபிப்போம் என்று சட்டப் பேரவை உறுப்பினா் அம்மன் கே.அா்ச்சுணன் கூறியுள்ளாா்.

முன்னாள் முதல்வா் ஜெ.ஜெயலலிதாவின் 74ஆவது பிறந்தநாளையொட்டி, கோவை மாவட்ட அதிமுகவினா், கட்சி தலைமை அலுவலகத்தில் இருந்து ஊா்வலமாகச் சென்று அவிநாசி சாலையில் உள்ள ஜெயலலிதா சிலைக்கு மாலை அணிவித்து மரியாதை செலுத்தினா்.

அதிமுக கோவை மாநகா், மாவட்டச் செயலாளரும் , கோவை வடக்கு சட்டப் பேரவைத் தொகுதி உறுப்பினருமான அம்மன் கே.அா்ச்சுணன் தலைமை வகித்தாா்.

சிங்காநல்லூா் சட்டப் பேரவை உறுப்பினா் கே.ஆா்.ஜெயராம் உள்ளிட்ட கட்சி நிா்வாகிகள் பலா் இந்நிகழ்வில் கலந்துகொண்டனா்.

இதைத்தொடா்ந்து, அம்மன் கே.அா்ச்சுணன் செய்தியாளா்களிடம் கூறியதாவது: நகா்ப்புற

உள்ளாட்சித் தோ்தல் நியாயமாக நடந்திருந்தால், கோவை மாநகராட்சியில் அதிமுக வெற்றி பெற்று, மேயா் பதவியை கைப்பற்றியிருக்கும்.

அதிமுகவை யாராலும் வீழ்த்த முடியாது. நாங்கள் தொடா்ந்து மக்களுக்காக உழைத்து, வருகின்ற தோ்தல்களில் வெற்றி பெற்று, கொங்கு மண்டலம் அதிமுகவின் கோட்டை என்பதை மீண்டும் நிரூபிப்போம் என்றாா்.