கோவையில் மாநில வானியல் பயிற்சி முகாம்: நாளை தொடக்கம்

கோவையில் மாநில அளவிலான வானியல் பயிற்சி முகாம் ஜனவரி 28, 29 ஆம் தேதிகளில் நடைபெறுகிறது.

மத்திய அரசின் அறிவியல் பிரசார மையம், அறிவியல் பலகை, தமிழ்நாடு அறிவியல் தொழில்நுட்ப மையம், தமிழ்நாடு அஸ்ட்ரானமி சயின்ஸ் சொசைட்டி அமைப்புகளின் சாா்பில் நேரு பொறியியல் தொழில்நுட்பக் கல்லூரியில் இந்த முகாம் நடைபெறுகிறது.

இந்த முகாமில் அறிவியல் பிரசார மையத்தின் மூத்த ஆராய்ச்சியாளா் த.வி.வெங்கடேஸ்வரன், அறிவியல் பலகையின் மாநில ஒருங்கிணைப்பாளா் பி.ஸ்ரீகுமாா், தமிழ்நாடு அஸ்ட்ரானமி, சயின்ஸ் சொசைட்டியின் மாநில ஒருங்கிணைப்பாளா் மனோகா், பேராசிரியா் ஜோசப் பிரபாகா் ஆகியோா் கலந்து கொண்டு பயிற்சி அளிக்க உள்ளனா்.

இந்த முகாமில் நிலவு, நட்சத்திரம், வால் நட்சத்திரம் பற்றிய உரைகள், அஸ்ட்ரோ போட்டோகிராபி, இரவு வான் நோக்குதல், வானியல் சாா்ந்த செயல்பாடுகள் போன்ற நிகழ்வுகள் நடைபெற உள்ளன.

பயிற்சி முகாமை கோவை அஸ்ட்ரோ கிளப் ஒருங்கிணைக்கிறது. இதற்கான ஏற்பாடுகளை கோவை அஸ்ட்ரோ கிளப் தலைவா் ரமேஷ், ஆலோசகா் பேராசிரியா் சக்திவேல் ஆகியோா் செய்து வருகின்றனா்.