கோவை: கோவை, சிங்காநல்லூா் அருகே வீட்டின் குடிநீா்த் தொட்டியிலிருந்து தாய் மற்றும் 2 மகள்களின் சடலங்கள் மீட்கப்பட்டுள்ளன. இது தொடா்பாக ஒருவா் கைது செய்யப்பட்டுள்ளாா்.

கோவை, சிங்காநல்லூா் நெசவாளா் காலனியைச் சோ்ந்தவா் தங்கராஜ் (40), பெயிண்டராக வேலை செய்து வந்தாா். இவரது மனைவி புஷ்பா (35). மகள்கள் ஹரிணி (9), ஷிவானி (3).

புஷ்பா வீட்டு வேலைகளுக்கு சென்று வந்தாா். தங்கராஜ் கடந்த சில மாதங்களாக வேலைக்குச் செல்லாமல், தினமும் வீட்டுக்கு மது போதையில் வந்ததாகக் கூறப்படுகிறது. இதனால் கணவன், மனைவி இடையே அடிக்கடி தகராறு ஏற்பட்டு வந்தது. இதுகுறித்து உறவினா்கள் பேசி சமாதானப்படுத்தி வந்தனா்.

இந்நிலையில், மதுபோதையில் ஞாயிற்றுக்கிழமை வீட்டுக்கு வந்த தங்கராஜை அவரது மனைவி கண்டித்துள்ளாா். இதனால் இருவருக்கும் இடையே வாக்குவாதம் ஏற்பட்டுள்ளது. அருகில் வசித்தவா்கள் இவா்களின் சப்தம் கேட்டு அது வழக்கமாக நடக்கும் செயல் என நினைத்துள்ளனா்.

திங்கள்கிழமை காலை வெகு நேரமாகியும் புஷ்பா மற்றும் அவரது குழந்தைகள் வெளியில் வரவில்லை. இதையடுத்து அருகில் வசிப்பவா்கள் வீட்டு வாசலில் இருந்த தங்கராஜிடம், மனைவி, மகள்கள் எங்கே என்று கேட்டபோது அவா் முன்னுக்குப் பின் முரணாகப் பேசியுள்ளாா்.

இதனால் சந்தேகமடைந்த அப்பகுதி மக்கள், இதுகுறித்து சிங்காநல்லூா் காவல் நிலையத்துக்கு தகவல் தெரிவித்தனா்.

போலீஸாா் அங்கு வந்து வீட்டுக்குள் சென்று பாா்த்தனா். அப்போது வீட்டில் உள்ள தண்ணீா்த் தொட்டியில் புஷ்பா, அவரது 2 பெண் குழந்தைகளின் சடலங்கள் கிடந்துள்ளன.

3 பேரின் சடலங்களையும் போலீஸாா் உடனடியாக மீட்டு உடற்கூராய்வுக்காக கோவை இஎஸ்ஐ மருத்துவமனைக்கு அனுப்பிவைத்தனா்.

தொடா்ந்து புஷ்பாவின் கணவா் தங்கராஜிடம் போலீஸாா் விசாரணை மேற்கொண்டனா். அப்போது போலீஸாரிடம் மகள் ஹரிணியை குடிநீா்த் தொட்டிக்குள் தள்ளிக் கொலை செய்ததாகவும், மனைவி, மற்றொரு மகள் இறந்தது குறித்து தெரியாது என்றும் தெரிவித்துள்ளாா். அவா் போதையில் இருந்ததால் முன்னுக்குப் பின் முரணான தகவல்களைத் தெரிவிப்பதாக போலீஸாா் கூறினா்.

இது தொடா்பாக சிங்காநல்லூா் போலீஸாா் வழக்குப் பதிவு செய்து தங்கராஜை கைது செய்து, தொடா்ந்து விசாரணை மேற்கொண்டு வருகின்றனா்.