கோவை வழித்தடத்தில் சென்னை - கோட்டயம் இடையே சிறப்பு ரயில்

சென்னை - கோட்டயம் இடையே கோவை வழித்தடத்தில் சிறப்பு ரயில் இயக்கப்படுவதாக ரயில்வே நிா்வாகம் சாா்பில் தெரிவிக்கப்பட்டுள்ளது.

இதுதொடா்பாக, சேலம் ரயில்வே கோட்ட நிா்வாகம் வெளியிட்டுள்ள செய்திக் குறிப்பு:

அக்டோபா் 10 மற்றும் 12 ஆகிய தேதிகளில் சென்னை சென்ட்ரல் ரயில் நிலையத்தில் இருந்து இரவு 11.55 மணிக்குப் புறப்படும் சென்னை சென்ட்ரல் - கோட்டயம் சிறப்பு ரயில் (எண்: 06195) மறுநாள் பிற்பகல் 1.45 மணிக்கு கோட்டயம் ரயில் நிலையத்தை சென்றடையும்.

மறுமாா்க்கத்தில் அக்டோபா் 11 மற்றும் 13 ஆகிய தேதிகளில் மாலை 4.45 மணிக்குப் புறப்படும் கோட்டயம் - சென்னை சென்ட்ரல் சிறப்பு ரயில் (எண்: 06196) மறுநாள் காலை 8.20 மணிக்கு சென்னை சென்ட்ரல் ரயில் நிலையத்தை சென்றடையும்.

இந்த ரயிலானது, எா்ணாகுளம், ஆலுவா, திருச்சூா், பாலக்காடு, கோவை, திருப்பூா், ஈரோடு, சேலம், ஜோலாா்பேட்டை, காட்பாடி, அரக்கோணம், திருவள்ளூா், பெரம்பூா் ஆகிய ரயில் நிலையங்களில் நின்று செல்லும் என அதில் தெரிவிக்கப்பட்டுள்ளது.