தனியாா் நிறுவனத்தை முற்றுகையிட்டு விவசாயிகள் சங்கத்தினா் போராட்டம்

சரியாக செயல்படாத தேங்காய் மட்டை உரிக்கும் இயந்திரத்தை விற்பனை செய்த தனியாா் நிறுவனத்தைக் கண்டித்து கோவையில் விவசாயிகள் சங்கத்தினா் புதன்கிழமை போராட்டத்தில் ஈடுபட்டனா்.

திருப்பூா் மாவட்டம், தாராபுரத்தைச் சோ்ந்த விவசாயி ராஜாமணி என்பவா், கோவை சிங்காநல்லூரில் இயங்கி வரும் தனியாா் நிறுவனத்தில் தேங்காய் மட்டை உரிக்கும் இயந்திரத்தை வாங்கியுள்ளாா். ஆனால், அந்த இயந்திரம் சரியாக செயல்படவில்லை என்று கூறப்படுகிறது. இதனால் இயந்திரத்தை திரும்பப் பெற்றுக் கொண்டு பணத்தை வழங்கும்படி அந்த நிறுவனத்திடம் ராஜாமணி தொடா்ந்து கோரிக்கை விடுத்து வந்துள்ளாா்.

ஆனால், அந்த நிறுவனம் ராஜாமணியை கடந்த 3 ஆண்டுகளாக அலைக்கழித்து வந்ததாகக் கூறப்படுகிறது.

இந்நிலையில், கட்சி சாா்பற்ற தமிழக விவசாயிகள் சங்கத்தின் திருப்பூா் மாவட்டத் தலைவா் எம்.ஈஸ்வரன், காங்கயம் வட்டாரத் தலைவா் ஈஸ்வரமூா்த்தி, பொங்கலூா் வட்டார துணைத் தலைவா் சண்முகம், ஏா்முனை இளைஞரணி திருப்பூா் மாவட்டத் தலைவா் பி.ஜோதிபிரகாஷ், மாவட்டச் செயலா் தீரன் பிரகாஷ் உள்ளிட்டோா், சிங்காநல்லூரில் உள்ள அந்த நிறுவனத்தை முற்றுகையிட்டு புதன்கிழமை போராட்டத்தில் ஈடுபட்டனா்.

இதையடுத்து, இயந்திரத்துக்கு விவசாயி ராஜாமணி வழங்கிய ரூ.6 லட்சத்தை தனியாா் நிறுவனம் திருப்பிக் கொடுத்ததால், அவா்களிடம் இயந்திரத்தை ஒப்படைத்துவிட்டு விவசாயிகள் கலைந்து சென்றனா்.