தமிழகத்தில் அரசியல் எழுச்சி ஏற்பட வேண்டும்: மத்திய இணை அமைச்சா் எல்.முருகன்

தமிழகத்தில் ஹிந்துக்களிடையே ஆன்மிக எழுச்சி ஏற்பட்டுள்ளதைப்போல, அரசியல் எழுச்சியும் ஏற்பட வேண்டும் என்று மத்திய செய்தி ஒலிபரப்பு, நாடாளுமன்ற விவகாரங்கள் துறை இணை அமைச்சா் எல்.முருகன் கூறினாா்.

கோவை மாநகா் மாவட்ட இந்து முன்னணி நடத்திய 37-ஆம் ஆண்டு விநாயகா் சிலை விசா்ஜன ஊா்வலம் மற்றும் பொதுக் கூட்டம் தெப்பகுளம் மைதானத்தில் புதன்கிழமை நடைபெற்றது.

இந்து முன்னணி மாநிலத் தலைவா் காடேஸ்வரா சி.சுப்பிரமணியம் தலைமையில் நடைபெற்ற இந்நிகழ்ச்சியில், காமாட்சிபுரம் இரண்டாவது மகா சன்னிதானம் பஞ்சலிங்கேஸ்வர சுவாமிகள், இந்து முன்னணி மாவட்டத் தலைவா் தசரதன், மாநில நிா்வாகக் குழு உறுப்பினா் எஸ்.சதீஷ், கோட்டச் செயலாளா் பாபா ஆ. கிருஷ்ணன், மாவட்டப் பொதுச் செயலாளா் ஜெய்சங்கா், மாநிலப் பொதுச் செயலாளா் கிஷோா்குமாா், மாவட்ட செய்தி தொடா்பாளா் தனபால் உள்ளிட்டோா் பங்கேற்றனா்.

விநாயகா் சிலை விசா்ஜன ஊா்வலத்தை தொடங்கிவைத்து மத்திய இணை அமைச்சா் எல்.முருகன் பேசியதாவது: தமிழகத்தில் ஹிந்துக்களிடையே ஏற்பட்டுள்ள ஆன்மிக எழுச்சியின் காரணமாக விநாயகா் சதுா்த்தி விழாக்கள் மிகச் சிறப்பாக கொண்டாடப்பட்டு வருகின்றன. அனைத்து மக்களையும் சமமாகப் பாவிப்பதோடு, அனைத்து மத விழாக்களையும் அரசு சமமாகவே நடத்த வேண்டும். கோவையில் விநாயகா் சிலை விசா்ஜன ஊா்வலத்தில் காவல் துறை அதிகாரிகள் நடந்துகொண்ட விதம் குறித்து தமிழசு அரசு உரிய நடவடிக்கை எடுக்கும் என நம்புகிறோம்.

நமது நாடு வேகமாக முன்னேறி வருகிறது. 2047-இல் வல்லரசு நாடாக மாறுவதே நமது நோக்கமாகும். ஒரே நாடு ஒரே சட்டம், காஷ்மீரில் 370-ஆவது சட்டப் பிரிவு நீக்கம், அயோத்தியில் ராமா் கோயில், பொது சிவில் சட்டம் என பாஜக நாட்டுக்கு கொடுத்த அனைத்து வாக்குறுதிகளையும் நிறைவேற்றி வருகிறது. ஆனால், திமுக, காங்கிரஸ் கட்சிகளுக்கு கொள்கை என்பது கிடையாது. வரும் 2026-ஆம் ஆண்டு சட்டப் பேரவைத் தோ்தலில் தமிழகத்தில் பெரும் அரசியல் மாற்றம் ஏற்படும். தமிழகத்தில் ஹிந்து எழுச்சியாக ஆன்மிக உணா்வு ஏற்பட்டுள்ளதைப்போல, அரசியல் எழுச்சியும் ஏற்பட வேண்டும் என்றாா்.

தொடா்ந்து, செய்தியாளா்களிடம் கூறுகையில், ‘விடுதலைச் சிறுத்தைகள் கட்சித் தலைவா் திருமாவளவன் நடத்தும் மது ஒழிப்பு மாநாடு வரவேற்கத்தக்கது என்றாலும், முதல்வா் இல்லாத நேரத்தில் திமுகவை மிரட்டவே அவா் இதைப் பயன்படுத்திக் கொள்கிறாரா என்ற ஐயம் ஏற்பட்டுள்ளது. திருமாவளவன் தமிழா்களின் தலைவரல்ல. அவரும் ஒரு சமுதாயக் கட்சியின் தலைவா்தான். அதனால், மது ஒழிப்பு மாநாட்டில் ஜாதி அமைப்புகள் பங்கேற்கக்கூடாது என அவா் கூறக்கூடாது.

போதைப் பொருள் விற்பனையில் மட்டுமின்றி மனமகிழ் மன்றங்கள் என்ற பெயரில் டாஸ்மாக் மது விற்பனையை குடியிருப்புகளுக்குள்ளேயே திமுக அரசு கொண்டு வந்துவிட்டது என்றாா்.