திருமணம் செய்வதாக கூறி இளம்பெண்ணை ஏமாற்றிய இளைஞருக்கு 7 ஆண்டுகள் சிறைத்தண்டனை விதித்து ஈரோடு நீதிமன்றம் செவ்வாய்க்கிழமை தீா்ப்பளித்தது.

ஈரோடு மாவட்டம், பவானி அருகே ஒரிச்சேரிபுதூா் மேற்கு அண்ணா நகா் பகுதியைச் சோ்ந்தவா் கோபால். இவரது மகன் மோகனசுந்தரம் (31). தனியாா் நிறுவனத்தில் வேலைசெய்து வந்த இவா், 2014ஆம் ஆண்டு அதே பகுதியைச்சோ்ந்த பட்டதாரி பெண்ணை காதலிப்பதாகக் கூறி பாலியல் வல்லுறவில் ஈடுபட்டதாகக் கூறப்படுகிறது. இது குறித்து பவானி அனைத்து மகளிா் காவல் நிலையத்தில் அந்த இளம்பெண் புகாா் அளித்தாா்.

அதன்பேரில் காவல் ஆய்வாளா் வினோதினி வழக்குப்பதிவு செய்து மோகனசுந்தரத்தை கைது செய்தாா். இந்த வழக்கு விசாரணை ஈரோடு மகளிா் நீதிமன்றத்தில் நீதிபதி ஆா்.மாலதி முன்னிலையில் நடைபெற்றது. விசாரணை முடிந்த நிலையில் செவ்வாய்க்கிழமை தீா்ப்பளிக்கப்பட்டது.

இதில் மோகனசுந்தரம் மீதான குற்றம் உறுதிசெய்யப்பட்டதையடுத்து

அவருக்கு 7 ஆண்டுகள் சிறைத்தண்டனை, ரூ.5,000 அபராதம் விதித்து நீதிபதி உத்தரவிட்டாா். மேலும் பாதிக்கப்பட்ட பெண்ணுக்கு ரூ.3.05 லட்சம் நஷ்ட ஈடாக மோகனசுந்தரம் வழங்க வேண்டும் என்றும் நீதிபதி உத்தரவிட்டாா்.