ஈரோட்டில் உள்ள டாஸ்மாக் கடைகளில் 2 ஆயிரம் ரூபாய் தாளுடன் மது பிரியா்கள் குவிந்தனா்.

ரிசா்வ் வங்கி 2 ஆயிரம் ரூபாய் தாள்களை திரும்பப் பெறுவதாகவும், செப்டம்பா் 30 ஆம் தேதிக்குப் பின்னா் செல்லாது எனவும் கடந்த 19 ஆம் தேதி அறிவித்தது.

இதனால், 2 ஆயிரம் ரூபாய் தாள்கள் வைத்திருப்போா் அவற்றை வருகிற வரும் 23 ஆம் தேதி முதல் வங்கிகளில் செலுத்தி மாற்றிக் கொள்ளலாம் என்றும், ஒரு நபா் ஒரே நேரத்தில் ரூ.20 ஆயிரம் மதிப்பிலான 2 ஆயிரம் ரூபாய் தாள்களை மட்டுமே வங்கிகளில் செலுத்தி மாற்றிக்கொள்ள முடியும் என்றும், நாட்டில் உள்ள வங்கிகள் வாடிக்கையாளா்களுக்கு 2 ஆயிரம் ரூபாய் தாள்களை வழங்குவதை உடனடியாக நிறுத்திக்கொள்ள வேண்டும் என்றும் ரிசா்வ் வங்கி அறிவித்தது.

இதனிடையே தமிழகம் முழுவதும் அனைத்து டாஸ்மாக் கடைகளிலும் 2 ஆயிரம் ரூபாய் தாள்களை வாங்க எந்தவித தடையும் இல்லை என்று மின்சாரத் துறை அமைச்சா் செந்தில்பாலாஜி தெரிவித்து இருந்தாா்.

இதனால், ஈரோட்டில் உள்ள அனைத்து டாஸ்மாக் கடைகளில் 2 ஆயிரம் ரூபாய் தாள்களுடன் சனிக்கிழமை மாலை மற்றும் ஞாயிற்றுக்கிழமை மதுபிரியா்கள் குவிந்தனா். டாஸ்மாக் கடை ஊழியா்கள் சில்லறை கொடுக்க முடியாமல் திணறினா். சில கடைகளில் ஊழியா்களுக்கும், மது பிரியா்களுக்கும் இடையே வாக்குவாதமும் ஏற்பட்டது.