அந்தியூரில் இந்திய கம்யூனிஸ்ட் கட்சி வேட்பாளா் கே.சுப்பராயன் பிரசாரம்

திருப்பூா் மக்களவைத் தொகுதி இந்திய கம்யூனிஸ்ட் கட்சி வேட்பாளா் கே.சுப்பராயன் அந்தியூரில் செவ்வாய்க்கிழமை பிரசாரம் மேற்கொண்டாா்.

அந்தியூா் மங்களம் பள்ளி அருகே தொடங்கி அந்தியூா் ரவுண்டானா, காவல் நிலையம் பிரிவு, அரசு மருத்துவமனை பிரிவு, தோ்வீதி, தவிட்டுப்பாளையம் உள்பட பல்வேறு பகுதிகளில் அந்தியூா் சட்டப் பேரவை உறுப்பினா் ஏ.ஜி.வெங்கடாசலம் தலைமையில் திறந்த வாகனத்தில் சென்று இந்திய கம்யூனிஸ்ட் கட்சி வேட்பாளா் கே.சுப்பராயன் பிரசாரம் மேற்கொண்டாா்.

அந்தியூா் பேரூா் திமுக செயலாளா் காளிதாஸ், அந்தியூா் பேரூராட்சித் தலைவா் எம்.பாண்டியம்மாள், துணைத் தலைவா் ஏ.சி.பழனிச்சாமி, விடுதலை சிறுத்தைகள் கட்சி மாவட்டச் செயலாளா் கு.ஈஸ்வரன், மனிதநேய ஜனநாயக கட்சி மாவட்டச் செயலாளா் ஷானவாஸ், தமிழ்புலிகள் கட்சி மாவட்டச் செயலாளா் கே.ஜி.பொன்னுசாமி, காங்கிரஸ் கட்சி முன்னாள் வட்டாரத் தலைவா் நாகராஜா, சிபிஎம் வட்டாரச் செயலாளா் ஆா்.முருகேசன் மற்றும் கூட்டணிக் கட்சி நிா்வாகிகள் உடன் சென்றனா்.