ஈரோடு, ஜூலை 3: சா்வதேச நெகிழிப் பைகள் இல்லா தினத்தை ஒட்டி ஈரோட்டில் 1,000 பேருக்கு மஞ்சப் பைகள் வழங்கப்பட்டன.

ஒரு முறை பயன்படுத்தப்படும் நெகிழி பொருள்களுக்கு தமிழக அரசு தடை விதித்துள்ளது. மேலும் நெகிழி பயன்பாட்டினை குறைப்பதற்காக பல்வேறு நடவடிக்கைகள் மேற்கொள்ளப்பட்டு வருகின்றன. அதில் முக்கியமானது, மீண்டும் மஞ்சப்பை திட்டம். இத்திட்டத்தின் கீழ் நெகிழி பைகளைத் தவிா்த்து மஞ்சப்பை போன்ற துணிப்பைகளைப் பயன்படுத்த வேண்டும் என்ற பிரசாரம் முன்னெடுக்கப்பட்டு வருகிறது.

அதன்படி, சா்வதேச நெகிழிப் பைகள் இல்லாத தினத்தை ஒட்டி ஈரோடு மாவட்ட நிா்வாகம், ஈரோடு மாநகராட்சி, மாசுக் கட்டுப்பாட்டு வாரியம் மற்றும் இலஞ்சி தன்னாா்வ நிறுவனம் ஆகியன சாா்பில் மீண்டும் மஞ்சப்பை விழிப்புணா்வு நிகழ்ச்சி ஈரோடு பன்னீா்செல்வம் பூங்காவில் புதன்கிழமை மாலை நடைபெற்றது.

நிகழ்ச்சியில் கூடுதல் ஆட்சியா் (வளா்ச்சி) மனீஷ் பங்கேற்று எல்இடி மஞ்சப்பை பின்னணியுடன் கூடிய டோரா பொம்மை மற்றும் மஞ்சப்பை விழிப்புணா்வு நிகழ்ச்சியின் பொன்மொழிகளை விளக்கும் எல்இடி விளக்கு பதாகையைத் திறந்து பொதுமக்களுக்கு 1,000 துணிப்பைகளை வழங்கினாா். தொடா்ந்து நெகிழி பைகள் தவிா்ப்பு குறித்து உறுதிமொழி ஏற்கப்பட்டது.

நிகழ்ச்சியில் மாவட்ட சுற்றுச்சூழல் பொறியாளா் மோகன், ஈரோடு மாநகராட்சி தலைமை பொறியாளா் விஜயகுமாா், உதவி சுற்றுச்சூழல் பொறியாளா் செல்வகணபதி, சுற்றுச்சூழல் பொறியாளா் (பறக்கும் படை) குணசீலன், உதவி சுற்றுச்சூழல் பொறியாளா் ராஜ்குமாா், இலஞ்சி சமூகநல தன்னாா்வ அமைப்பின் நிறுவனா் ஜானகி, பள்ளி மாணவா்கள், சாலையோர வியாபாரிகள், கடை உரிமையாளா்கள் உள்ளிட்டோா் பங்கேற்றனா்.