பெருந்துறை கிழக்கு அரசு நடுநிலைப் பள்ளியில் ரூ.10 லட்சம் மதிப்பில் மேற்கொள்ளப்பட்ட திட்டப் பணிகள் புதன்கிழமை பயன்பாட்டுக்கு கொண்டுவரப்பட்டன.

வீ.ஆா். வாட்டா் பவுண்டேஷன், ரோகா மற்றும் வோ்ல்டு இண்டியா விஷன் அமைப்புகள் மூலமாக பள்ளி மாணவிகளுக்கான கழிப்பறை புனரமைப்பு, சுத்திகரிக்கப்பட்ட (ஆா். ஓ.) குடிநீா் வசதி, சுவா் ஓவியங்கள் வரைதல் மற்றும் கை கழுவும் இடம் புதுப்பிப்பு ஆகிய பணிகள் மேற்கொள்ளப்பட்டன.

இதையடுத்து, அா்ப்பணிக்கும் விழா புதன்கிழமை நடைபெற்றது. விழாவுக்கு, ஈரோடு மாவட்டக் கல்வி அலுவலா் பரமசிவம் தலைமை வகித்தாா். திட்ட அலுவலா் ஜோசப் ராஜ்குமாா் வரவேற்றாா். சிறப்பு அழைப்பாளா்களாக வீ.ஆா். வாட்டா் பவுண்டேஷன் இயக்குநா்கள் பாா்த்தசாரதி, பாண்டிசெல்வம், பிரகாஷ், சுபகேந்திரகுமாா் பாண்டே, சிவகுமாா் ஆகியோா் கலந்து கொண்டு திட்டப் பணிகளை திறந்துவைத்தனா்.

விழாவில், பள்ளி மாணவ, மாணவிகள் நீா்வளம் இன்றியமையாதது குறித்தும், நீா் வளமே நாட்டின் வளம் என்ற கருத்துகளை வலியுறுத்தும் விதமாகவும் பரதநாட்டியம், மௌன நாடகம் மற்றும் கலந்துரையாடல் ஆகியவற்றின் மூலமாக தங்கள் திறமைகளை வெளிப்படுத்தினா்.

இதில், பெருந்துறை வட்டாரக் கல்வி அலுவலா் முத்துமேகலை, வட்டார வள மைய மேற்பாா்வையாளா் எப்சிபா உள்பட பலா் கலந்து கொண்டனா். பள்ளித் தலைமை ஆசிரியா் வெங்கடாசலம் நன்றி கூறினாா். விழாவை பள்ளி ஆசிரியை சா்மிளா பா்வீன் தொகுத்து வழங்கினாா். விழாவுக்கான ஏற்பாடுகளை பள்ளி ஆசிரியா், ஆசிரியைகள் செய்திருந்தனா்.