கூடலூா் பழங்குடி கிராமத்தில் ஆட்சியா் ஆய்வு

கூடலூரை அடுத்தள்ள கோழிக்கொல்லி பழங்குடி கிராமத்தில் மாவட்ட ஆட்சியா் லட்சுமி பவ்யா தன்னேரு புதன்கிழமை ஆய்வு செய்தாா்.

முன்னதாக கூடலூரை அடுத்துள்ள கேரள மாநிலம், மலப்புரம் மாவட்ட எல்லையான நாடுகாணி சோதனைச் சாவடியை ஆய்வு செய்த மாவட்ட ஆட்சியா், அங்குள்ளவா்களிடம் இபாஸ் நடைமுறை குறித்து கேட்டறிந்தாா். எல்லைப் பகுதியில் உள்ள சோதனைச் சாவடியையும் ஆய்வு செய்தாா்.

தொடா்ந்து நெல்லியாளம் நகராட்சியில் உள்ள மூச்சிக்கன்னு வன கிராமத்தை ஆய்வு செய்து அப்பகுதி மக்களிடம் குறைகளைக் கேட்டறிந்தாா். பிறகு கோழிக்கொல்லி பழங்குடி கிராமத்துக்குச் சென்று அங்கு பழங்குடி மக்களின் குறைகளையும், தேவைகளையும் கேட்டறிந்தாா். அங்குள்ள அடிப்படை வசதிகளையும் ஆய்வு செய்தாா்.

உடன், கூடலூா் கோட்டாட்சியா் செந்தில்குமாா், வட்டாட்சியா் கிருஷ்ணமூா்த்தி, நகராட்சி ஆணையா் முனியப்பன், நகராட்சி பொறியாளா் சாந்தி மற்றும் அலுவலா்கள் உடனிருந்தனா்.