சேவூர் ஒழுங்குமுறை விற்பனைக் கூடத்தில் நடைபெற்ற நிலக்கடலை ஏலத்தில் ரூ.3 லட்சத்துக்கு திங்கள்கிழமை வர்த்தகம் நடைபெற்றது. சேவூர் ஒழுங்குமுறை விற்பனைக் கூடத்தில் இந்த வாரம் நடைபெற்ற ஏலத்தில் 110 மூட்டைகள் வந்திருந்தன. குவிண்டால் ஒன்றுக்கு முதல் ரக நிலக்கடலை ரூ.6,200 முதல் ரூ. 6,500 வரையிலும், இரண்டாவது ரக நிலக்கடலை ரூ. 5,850 முதல் ரூ. 5,980 வரையிலும், மூன்றாவது ரக நிலக்கடலை ரூ, 4,910 முதல் ரூ. 5,150 வரையிலும் ஏலம் போனது. மொத்தம் ரூ.3 லட்சத்துக்கு ஏலம் நடைபெற்றது.