திருப்பூா் - தாராபுரம் சாலை மருதமலை ஆண்டவா் நகரில் வீட்டில் பதுக்கி வைக்கப்பட்டிருந்த ரூ. 11.60 லட்சம் மதிப்பிலான புகையிலைப் பொருள்களை மாநகர போலீஸாா் வெள்ளிக்கிழமை பறிமுதல் செய்தனா். மேலும், 3 பேரை கைது செய்தனா்.

மாநகர காவல் ஆணையா் க.காா்த்திகேயன் உத்தரவின்பேரில், துணை ஆணையா் க.சுரேஷ்குமாா் மேற்பாா்வையிலான தனிப் படையினா், திருப்பூா் - தாராபுரம் சாலையில் சோதனையில் ஈடுபட்டிருந்தனா். அப்போது புது ரோடு, மருதமலை ஆண்டவா் நகா், மில்காராம்மா காம்பவுண்டில் உள்ள ஒருவரது வீட்டில் ரூ. 11.60 லட்சம் மதிப்பிலான 580 கிலோ புகையிலைப் பொருள்கள் பதுக்கி வைக்கப்பட்டிருந்தது தெரியவந்தது. இதையடுத்து, அந்த புகையிலைப் பொருள்கள் பறிமுதல் செய்யப்பட்டன.

இதில் தொடா்புடைய திருப்பூா் மங்கலம் சாலை, ஆண்டிபாளையம் குளத்துப்புதூா் ஜான் காம்பவுண்ட் பகுதியைச் சோ்ந்த வைத்தியலிங்கம் மகன் சுரேந்தா் (39). தாபுராபுரம் சாலை புது ரோடு, சீனிவாசா நகரைச் சோ்ந்த கருப்புசாமி மகன் சுரேஷ்குமாா் (42). மாஸ்கோ சிக்கண்ணா கல்லூரி பின்புறம், காமாட்சிபுரத்தைச் சோ்ந்த மகன் ஆறுமுகராஜ் (39) ஆகியோரை போலீஸாா் கைது செய்தனா்.