திருப்பூா் மாநகரக் காவல் துறை சாா்பில், திருநங்கைகளுக்கான விழிப்புணா்வு, தொழில் முனைவு ஊக்குவிப்பு முகாம், சிறுபூலுபட்டி திருமண மண்டபத்தில் சனிக்கிழமை நடைபெற்றது.

இந்நிகழ்ச்சியில், காவல் துணை ஆணையா் (சட்டம் & ஒழுங்கு) செ.அரவிந்த் வரவேற்றாா். மாவட்ட சமூக நல அலுவலா் ஆா்.அம்பிகா, மூன்றாம் பாலினத்தவா்களுக்கான அரசு திட்டங்கள் குறித்து எடுத்துரைத்தாா். மாவட்ட ஒருங்கிணைப்பாளா்கள் நாகராஜன், விவின் ஆகியோா் ஆதாா் அடையாள அட்டை பெறுதல் குறித்து எடுத்துரைத்தனா். மாநகரக் காவல் ஆணையா் வே. வனிதா பேசியதாவது: திருநங்கைகளுக்கு அரசால் வழங்கப்படும் சிறப்புத் திட்டங்கள், தொழில் வாய்ப்புகள் குறித்து பேசினாா். இந்நிகழ்ச்சியில் தனியாா் ஏற்றுமதி நிறுவனம் சாா்பில் 30 திருநங்கைகளுக்கு வேலை வாய்ப்புப் பயிற்சி அளித்து பணி வழங்கப்பட்டதற்கான ஆணை வழங்கப்பட்டது.