ஸ்பின்னிங் மில்லில் தீ: பஞ்சு பேல்கள் சேதம்

வெள்ளக்கோவில் அருகே ஸ்பின்னிங் மில்லில் செவ்வாய்க்கிழமை தீப்பிடித்ததில் பஞ்சு பேல்கள் எரிந்து சேதமாயின.

வெள்ளக்கோவில் முத்தூா் சாலை பாப்பம்பாளையம் வாவி தோட்டத்தில் தனியாா் ஸ்பின்னிங் மில் உள்ளது. இங்கு வழக்கம்போல இயந்திரங்கள் இயங்கிக் கொண்டிருந்தபோது, மின்சாரக் கசிவு காரணமாக ஓரிடத்தில் திடீரென தீப் பிடித்தது.

தகவலின் பேரில் சம்பவ இடத்துக்குச் சென்ற வெள்ளக்கோவில் தீயணைப்பு நிலைய அலுவலா் சி.தனசேகரன் மற்றும் தீயணைப்புப் படையினா் தீயை அணைத்தனா். அதற்குள் இயந்திரங்களின் சில பகுதிகள், பஞ்சு பேல்கள் எரிந்து சேதமடைந்தன.