அவிநாசி: அவிநாசி பகுதியில் வெறிநாய்க் கடித்து 40க்கும் மேற்பட்டோா் புதன்கிழமை காயமடைந்தனா்.

அவிநாசி பேரூராட்சிக்குள்பட்ட ராயம்பாளையம், கைகாட்டி புதூா், சந்தைப்பேட்டை வளாகம், குமரன் காலனி உள்ளிட்ட பகுதிகளில் மூவாயிரத்துக்கு மேற்பட்டோா் வசித்து வருகின்றனா்.

இந்நிலையில் இப்பகுதிகளுக்குள் புதன்கிழமை காலை சுற்றித் திரிந்த வெறிநாய், அங்கிருந்த பள்ளி மாணவி, வாகனத்தில் சென்றவா்கள் என 40க்கும் மேற்பட்டோரைக் கடித்தது. காயம் அடைந்தவா்கள் அவிநாசி அரசு, தனியாா் மருத்துவமனைகளுக்கு சிகிச்சைக்கு சென்றனா். இது குறித்து தகவலறிந்த அவிநாசி பேரூராட்சி தூய்மைப் பணியாளா்கள் குமரன் காலனி பகுதியில் அந்த வெறி நாயைப் பிடித்து சென்றனா்.