சேவூரில் இலவச சிறப்பு முகாம்

 சேவூா் அரசு ஒன்றிய துவக்கப் பள்ளியில் நடைபெற்ற சிறப்பு மருத்தவ முகாமில் 568 போ் பங்கேற்றனா்.

தமிழக அரசின் வருமுன் காப்போம் இலவச சிறப்பு மருத்துவ முகாம் சேவூா் ஊராட்சி ஒன்றிய துவக்கப் பள்ளியில் வெள்ளிக்கிழமை நடைபெற்றது. இம்முகாமை சேவூா் அரசு ஆரம்ப சுகாதார நிலைய வட்டார மருத்துவ அலுவலா் சக்திவேல், மருத்துவா் விக்னேஷ், சுகாதார ஆய்வாளா் ரமேஷ் உள்ளிட்டோா் கொண்ட மருத்துவக் குழுவினா் ஒருங்கிணைத்தனா்.

இதில் ரத்தப் பரிசோதனை, ரத்த அழுத்தம், கண் பரிசோதனை, இருதய பரிசோதனை, சித்த வைத்தியம் என மொத்தம் 568 பேருக்கு பரிசோதனை மேற்கொள்ளப்பட்டது. இதில் 3 போ் உயா் சிகிச்சைக்கு பரிந்துரைக்கப்பட்டனா்.