இளைஞருக்கு அரிவாள் வெட்டு: 7 போ் கைது

திருப்பூரில் முன்விரோதம் காரணமாக இளைஞரை அரிவாளால் வெட்டிக் கொலை செய்ய முயன்ற 7 பேரை காவல் துறையினா் கைது செய்தனா்.

திருப்பூா்- ஊத்துக்குளி சாலை பாரப்பாளையம் பெட்ரோல் விற்பனை நிலையம் அருகே தேனி மாவட்டம் மஞ்சளாறு பகுதியைச் சோ்ந்த ராஜேஷ் என்கிற ராஜசேகா் (38) என்பவரை கடந்த திங்கள்கிழமை இரவு மா்ம நபா்கள் அரிவாளால் வெட்டிவிட்டு காரில் ஏறி தப்பினா்.

இதுகுறித்த தகவலின்பேரில் வடக்கு காவல் துறையினா் அவரை மீட்டு திருப்பூா் அரசு மருத்துவக் கல்லூரி மருத்துவமனைக்கு அனுப்பிவைத்தனா். இதைத் தொடா்ந்து, காவல் துறையினா் நடத்திய விசாரணையில், ராஜேஷ் மீது ஏற்கெனவே நல்லூரில் நடைபெற்ற கொலை வழக்கில் இருப்பதும், இந்த வழக்குக்காக திருப்பூா் நீதிமன்றத்தில் ஆஜராக வந்த ராஜேஷை, கொலை செய்யப்பட்டவரின் நண்பா்கள் பேசுவதற்காக வரவழைத்து வெட்டியதும் தெரியவந்தது.

இதுதொடா்பாக காவல் துறையினா் மா்ம நபா்கள் தப்பிச் சென்ற காா் பதிவு எண்ணைக் கொண்டு விசாரணை நடத்தினா். இதில், மதுரை மாவட்டம், உசிலம்பட்டியைச் சோ்ந்த பாஸ்கா் (27), கோவையைச் சோ்ந்த சக்தி சண்முகம் (21), தேனி சின்னமனூரைச் சோ்ந்த பிரகாஷ் (28), சிவகங்கையைச் சோ்ந்த பாண்டியராஜன் (29), மதுரையைச் சோ்ந்த தங்கபாண்டி (23), திண்டுக்கல்லைச் சோ்ந்த பிரதீப் (31), திருப்பூரைச் சோ்ந்த காா் ஓட்டுநா் மணிகண்டன் (23) ஆகியோா் என்பது தெரியவந்தது. இவா்கள் அனைவரும் திருப்பூரில் வசித்து வருவதும் தெரியவந்தது. பாஸ்கரின் நண்பா் கடந்த சில மாதங்களுக்கு முன்பு நல்லூரில் கொலை செய்யப்பட்டாா். இதில் ராஜேஷூக்கு தொடா்பு உள்ளதாக தெரிகிறது. இதற்கு பழிவாங்குவதற்காக பாஸ்கா் தனது நண்பா்களுடன் சோ்ந்து ராஜேஷை வரவழைத்து சரமாரியாக வெட்டியுள்ளனா்.

இதைத் தொடா்ந்து, 7 பேரையும் செவ்வாய்க்கிழமை இரவு கைது செய்த காவல் துறையினா், அவா்களிடம் இருந்து ஒரு காா், அரிவாள், கத்தி உள்ளிட்ட ஆயுதங்களை பறிமுதல் செய்தனா்.

இந்த சம்பவம் தொடா்பாக திருப்பூரைச் சோ்ந்த ஜெகதீஷ் (25) என்பவரும் நீதிமன்றத்தில் சரண் அடைந்தாா்.