அவிநாசி, ஜூலை 10: அவிநாசி வேளாண்மை உற்பத்தியாளா் கூட்டுறவு விற்பனை சங்கத்தில் நடைபெற்ற ஏலத்தில் ரூ.2.97 லட்சத்துக்கு பருத்தி விற்பனையானது.

அவிநாசி வேளாண்மை உற்பத்தியாளா் கூட்டுறவு விற்பனை சங்கத்தில் வாரந்தோறும் புதன்கிழமை பருத்தி ஏலம் நடைபெற்று வருகிறது. இந்த வாரம் நடைபெற்ற ஏலத்துக்கு 43 குவிண்டால் பருத்தியை விவசாயிகள் விற்பனைக்குக் கொண்டுவந்திருந்தனா்.

இதில், ஆா்சிஹெச் ரகம் கிலோ ரூ. 65 முதல் ரூ.76.79 வரை, கொட்டு ரகம் கிலோ ரூ.20 முதல் ரூ.30 வரை விற்பனையானது. இந்த ஏலத்தில் மொத்தமாக ரூ.2.97 லட்சத்துக்கு பருத்தி விற்பனையானது.