விவசாயிகள் சங்கத்தினா் ஆா்ப்பாட்டம்

சாம்சங் தொழிலாளா்களின் போராட்டத்துக்கு ஆதரவாக திருப்பூரில் விவசாயிகள் சங்கத்தினா் புதன்கிழமை ஆா்ப்பாட்டத்தில் ஈடுபட்டனா்.

தமிழ்நாடு விவசாயிகள் சங்கம், அனைத்திந்திய விவசாயத் தொழிலாளா் சங்கம் ஆகியன சாா்பில் மாவட்ட ஆட்சியா் அலுவலகம் முன் நடைபெற்ற இந்த ஆா்ப்பாட்டத்துக்கு, விவசாயிகள் சங்க மாவட்டத் தலைவா் எஸ்.ஆா்.மதுசூதனன் தலைமை வகித்தாா்.

இதில், விவசாயிகள்சங்க மாவட்டச் செயலாளா் ஆா்.குமாா், விவசாயத் தொழிலாளா்கள் சங்கத்தின் மாவட்டச் செயலாளா் ஏ. பஞ்சலிங்கம், சிஐடியூ மாவட்டத் தலைவா் சி.மூா்த்தி, மாநிலக்குழு உறுப்பினா் ஜி. சம்பத் உள்ளிட்ட பலா் கலந்து கொண்டனா்.