பல்வேறு கோரிக்கைகளை வலியுறுத்தி திருப்பூரில் சாலை மறியலில் ஈடுபட்ட அங்கன்வாடி ஊழியா்கள் நூற்றுக்கும் மேற்பட்டோா் கைது செய்யப்பட்டனா்.
தமிழ்நாடு அங்கன்வாடி ஊழியா்கள் மற்றும் உதவியாளா்கள் சங்கம் சாா்பில் 7 அம்சக் கோரிக்கைகளை வலியுறுத்தி தமிழகத்தின் அனைத்து மாவட்ட தலைநகரங்களிலும் செவ்வாய்க்கிழமை ஆா்ப்பாட்டம் நடைபெற்றது.
திருப்பூா் மாவட்ட ஆட்சியா் அலுவலகம் முன்பு அங்கன்வாடி ஊழியா்கள் சங்கத்தின் சாா்பில் ஏராளமானோா் ஆா்ப்பாட்டத்தில் ஈடுபட்டனா்.
1993-ஆம் ஆண்டு பணியில் சோ்ந்த ஊழியா்களுக்கு உடனடியாக பதவி உயா்வு வழங்க வேண்டும், பணி ஓய்வு பெறும் அங்கன்வாடி ஊழியா்களுக்கு உயா்நீதிமன்ற தீா்ப்பின்படி பணிக்கொடை வழங்க வேண்டும், ஓய்வுபெறும் ஊழியா்களுக்கு அகவிலைப்படியுடன் கூடிய ஓய்வூதியம் வழங்க வேண்டும், காலிப் பணியிடங்களை நிரப்ப வேண்டும், குழந்தைகளின் பாதுகாப்பை கருத்தில் கொண்டு மே மாதம் முழுவதும் அங்கன்வாடிகளுக்கும் விடுமுறை வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடை பெற்றது.
தொடா்ந்து கோரிக்கைகளை வலியுறுத்தி கோஷம் எழுப்பியபடி பல்லடம் சாலை யில் அமா்ந்து மறியல் போராட்டத்தில் ஈடுபட்டனா். இதனால் அப்பகுதியில் போக்குவரத்து பாதிக்கப்பட்டது. அப்போது அங்குப் பாதுகாப்புப் பணியில் இருந்த போலீஸாா், மறியலில் ஈடுபட்ட நூற்றுக்கும் மேற்பட்டோரை கைது செய்தனா்.