தமிழகத்தில் சிறுபான்மையின வாக்குகளை தடுத்து வெற்றி பெறலாம் என்ற தவெக தலைவா் விஜயின் திட்டம் பலிக்காது என இந்திய யூனியன் முஸ்லிம் லீக் கட்சியின் பொதுச்செயலாளா் அபூபக்கா் தெரிவித்தாா்.

திருப்பூரில் அக்கட்சியின் வா்த்தக அணியின் மாநில பொதுக்குழு கூட்டம் அணியின் மாநிலத் தலைவா் சையது சுலைமான் தலைமையில் வியாழக்கிழமை நடைபெற்றது. இந்த நிகழ்ச்சியில் அக்கட்சியிந் பொதுச் செயலாளா் அபூபக்கா் கலந்து கொண்டு ஆலோசனைகளை வழங்கினாா்.

பின்னா் செய்தியாளா்களிடம் அவா் கூறியதாவது:

கும்பகோணத்தில் முஹல்லா ஜமாத் மாநில மாநாடு ஜனவரி 28-ஆம் தேதி நடைபெறுகிறது. இந்த மாநாட்டில் சிறப்பு விருந்தினராக தமிழக முதல்வா் மு.க.ஸ்டாலின் கலந்து கொண்டு சிறப்புரை ஆற்றுகிறாா். மாநாட்டில் தமிழகம் முழுவதும் இருந்து 8,000 பள்ளிவாசல்களின் நிா்வாகிகள் கலந்து கொண்டு சிறுபான்மையின முஸ்லிம்கள் சந்தித்து வரும் பிரச்னைகள் குறித்தும் எதிா்வரும் சட்டப் பேரவைத் தோ்தலில் மதசாா்பற்ற கூட்டணி வெற்றி பெறுவதற்கான வியூகங்கள் குறித்தும் அறிவிக்கின்றனா்.

தமிழகத்தில் இதுவரை நடைபெற்ற தோ்தலுக்கும் இனி நடைபெற உள்ள தோ்தலுக்கும் வித்தியாசம் உள்ளது. இந்தத் தோ்தலையொட்டி, சில கட்சிகள் கூட்டணி ஆட்சி என பேசத் தொடங்கி உள்ளனா். சிறுபான்மையின வாக்குகளை பிரிப்பதற்காக புதிய கட்சிகள் பல்வேறு காரணங்களையும் பல்வேறு அறிவிப்புகளையும் வெளியிடுகின்றனா். தோ்தலுக்கு வாக்குறுதிகளை கொடுக்கிறாா்கள் என்று நம்பி வாக்களித்துவிட்டால் சிறுபான்மையின மக்களின் வாழ்வுரிமை பாதிக்கப்படும்.

கடந்த 11 ஆண்டுகளாக சிறுபான்மை சமுதாயத்துக்கு எதிரான சட்டங்களை பாஜக இயற்றி மக்களை வஞ்சித்து வருகிறது. பாஜகவுடன் சோ்ந்து அதிமுகவும் சிறுபான்மையினரை வஞ்சிக்கிறது. தற்போது நடிகா் விஜயின் பேச்சு நடவடிக்கை அனைத்துமே பாஜகவுக்கு ஆதரவாக உள்ளது. சிறுபான்மையின வாக்குகளை தடுத்து வெற்றி பெறாலம் என்ற அவரின் திட்டம் பலிக்காது என்றாா்.