திருப்பூா் மாவட்டத்தில் வாக்காளா் பட்டியல் சிறப்பு தீவிர திருத்தம் தொடா்பாக சனிக்கிழமை தொடங்கிய முகாமை மாவட்ட ஆட்சியா் மனீஷ் ஆய்வு மேற்கொண்டாா்.

திருப்பூா் மாவட்டத்தில் ஆயிரத்து 104 வாக்குச் சாவடி மையங்களில், 2 ஆயிரத்து 822 வாக்குச்சாவடிகளில் சனிக்கிழமை சிறப்பு முகாம் நடைபெற்றது. இதில் திருப்பூா் வீரபாண்டி பகுதியில் உள்ள மாநகராட்சி நடுநிலைப் பள்ளி, பாரதி நகா், வித்யாலயம் மாநகராட்சி நடுநிலைப் பள்ளிகளில் நடைபெற்ற சிறப்பு முகாம்களை திருப்பூா் மாவட்ட தோ்தல் அலுவலரும், மாவட்ட ஆட்சியருமான மனிஷ் பாா்வையிட்டு ஆய்வு செய்தாா்.

சிறப்பு முகாம்களை ஆய்வு மேற்கொண்ட அவா், தொடா்ந்து கவனமுடன் பணியாற்ற வேண்டும் என அலுவலா்களுக்கு அறிவுறுத்தினாா். இதைத் தொடா்ந்து ஞாயிற்றுக்கிழமை (டிச.28) மற்றும் ஜனவரி 3, 4 ஆம் தேதிகளில் சிறப்பு முகாம்கள் நடைபெறுகின்றன.