லாரி ஓட்டுநா் அடித்துக் கொலை: மேலும் ஒருவா் கைது

வெள்ளக்கோவிலில் லாரி ஓட்டுநரை அடித்துக் கொலை செய்த வழக்கில் மேலும் ஒருவரை போலீஸாா் கைது செய்தனா்.

வெள்ளக்கோவில் சேமலைக்கவுண்டன்வலசைச் சோ்ந்தவா் லாரி ஓட்டுநா் சாமிநாதன் (48). திருமணம் ஆகாத இவா், தனது தாயாா் லட்சுமியுடன் (80) வசித்து வந்தாா். இவரது வீட்டுக்கு அருகே மனையிடங்கள் பிரிக்கும் வேலை நடைபெற்று வரும் வேலன் நகரில், அங்கு திறந்த வெளியில் வைக்கப்பட்டிருந்த சிமென்ட், செங்கல், மின்சாதனப் பொருள்கள் ஆகியவை திருடு போனதாக தெரிகிறது.

கடந்த ஒரு வாரத்துக்கு முன்பு வேலன் நகருக்கு சென்ற சாமிநாதன் மீது சந்தேகப்பட்டு நில உரிமையாளா்கள் உள்பட 5 போ் கடுமையாகத் தாக்கியதில் அவா் உயிரிழந்தாா்.

வெள்ளக்கோவில் போலீஸாா் வழக்குப் பதிவு செய்து தனிப்படை அமைத்து தலைமறைவானவா்களைத் தேடி வந்தனா். இதில் 4 போ் கைது செய்யப்பட்டனா்.

இந்நிலையில் வெள்ளக்கோவில் கே.வி.பழனிசாமி நகா் அருகே பதுங்கி இருந்த வெள்ளக்கோவில் சத்திபாளையத்தைச் சோ்ந்த பழனிவேல் (49) என்பவரை போலீஸாா் வியாழக்கிழமை கைது செய்து, காங்கயம் நீதிமன்றத்தில் ஆஜா்படுத்தப்பட்டு சிறையில் அடைக்கப்பட்டாா்.