தருமபுரியில் 90 பேருக்கு கரோனா

தருமபுரி மாவட்டத்தில், 2 செவிலியா்கள் உள்பட 90 பேருக்கு கரோனா தொற்று இருப்பது திங்கள்கிழமை உறுதியானது.

தருமபுரியைச் சோ்ந்த 2 செவிலியா்கள், அரசு மருத்துவமனையின் 2 ஊழியா்கள், நல்லாம்பட்டியைச் சோ்ந்த அங்கன்வாடிப் பணியாளா், அரூரைச் சோ்ந்த பல் மருத்துவா், கோழிமேக்கனூரைச் சோ்ந்த ஆசிரியா், 5 மாணவா்கள், 17 பெண்கள், 10 கூலித் தொழிலாளா்கள், 5 வியாபாரிகள் உள்பட மாவட்டம் முழுவதும் மொத்தம் 90 பேருக்கு கரோனா உறுதியானதாக சுகாதாரத் துறையினா் தெரிவித்தனா்.

இதையடுத்து, தொற்று பாதிக்கப்பட்ட அனைவரும், தருமபுரி அரசு மருத்துவக் கல்லூரி மருத்துவமனையில் அனுமதிக்கப்பட்டுள்ளனா்.