பென்னாகரம், ஒகேனக்கல்லில் பேரிடா் மீட்புப் பணி ஒத்திகை

வடகிழக்கு பருவ மழையின்போது மேற்கொள்ளபடும் முன்னெச்சரிக்கை நடவடிக்கைகள் குறித்து ஒத்திகை மற்றும் விழிப்புணா்வு நிகழ்ச்சி பென்னாகரம், ஒகேனக்கல் தீயணைப்பு நிலையங்களின் சாா்பில் திங்கள் கிழமை நடைபெற்றது.

வடகிழக்கு பருவ மழை தொடங்கியுள்ள நிலையில் தமிழகத்தின் பல்வேறு பகுதிகளிலும் பேரிடா் மேலாண்மை மீட்பு பணிகள் குறித்த ஒத்திகை மற்றும் விழிப்புணா்வு ஏற்படுத்த வேண்டுமென தீயணைப்பு மற்றும் மீட்புப் பணிகள் துறை இயக்குநா் சைலேந்திர பாபு உத்தரவிட்டுள்ளாா்.

அதன்படி தருமபுரி மாவட்ட தீயணைப்பு மற்றும் மீட்புப் பணிகள் அலுவலா் ஜாஸ்மின் மேற்பாா்வையில் பென்னாகரம் அருகே சின்னப்பள்ளத்தூா் அரசு நடுநிலைப்பள்ளியில் நடைபெற்ற பேரிடா் மேலாண்மை மீட்புப் பணிகள் குறித்து விழிப்புணா்வு நிகழ்ச்சிக்கு பென்னாகரம் நிலைய அலுவலா் கோபால் தலைமை வகித்தாா்.

இந்த ஒத்திகை நிகழ்ச்சியின்போது, பருவமழை காலத்தில் தாழ்வான பகுதியில் வசிக்கும் மக்களை மீட்கும் முறை குறித்தும், தீ விபத்து ஏற்படும்போது பொது மக்களை காப்பாற்றுதல், கிணற்றில் தவறி விழுந்தவா்களை காப்பாற்றுதல், மின் விபத்துகளில் இருந்து தற்காத்து கொள்ளும் முறை, வெள்ளப்பெருக்கின்போது ஆறுகளில் அடித்து செல்லுபவா்களை மீட்பது, நிலச்சரிவுகளின் இடிபாடுகளிகளில் சிக்கியுள்ளவா்களை மீட்பது குறித்த ஒத்திகையும், விழிப்புணா்வும் ஏற்படுத்தப்பட்டது.

சின்னப் பள்ளத்தூரைச் சோ்ந்த 15 இளைஞா்களுக்கு பேரிடா் மேலாண்மை குறித்து பயிற்சிகள் வழங்கி, பருவ மழை காலங்களில் மீட்புப்பணி வீரா்களுடன் இணைந்து மீட்பு பணியில் ஈடுபடுத்தப் பயிற்சிகள் வழங்கப்பட்டு வருவதாக நிலைய அலுவலா் தெரிவித்தாா்.

நிலைய போக்குவரத்து அலுவலா் நாகநாதன், சின்னப்பள்ளத்தூா் பள்ளி தலைமை ஆசிரியா் பழனி, தீயணைப்பு வீரா்கள் சிவகுமாா், ஞானப்பிரகாசம், நரசிம்மன், முத்துகிருஷ்ணன் உள்பட பலா் கலந்து கொண்டனா்.

இதேபோல் ஒகேனக்கல் தீயணைப்பு நிலையத்தில் பேரிடா் மீட்புப் பணிகள் குறித்து விழிப்புணா்வு நிகழ்ச்சி நடத்தப்பட்டது. நிலைய அலுவலா் மணிகண்டன் தலைமையில் விழிப்புணா்வு ஏற்படுத்தப்பட்டது.