அதிமுக சுதந்திரமாக செயல்பட முடியாத நெருக்கடிக்கு உள்ளாகியுள்ளது என இந்திய கம்யூனிஸ்ட் கட்சியின் முன்னாள் மாநிலச் செயலாளா் இரா. முத்தரசன் தெரிவித்தாா்.

தருமபுரியில் ஏஐடியுசி அமைப்பு சாா்பில் நடைபெறும் மாநில மாநாட்டில் பங்கேற்பதற்காக சனிக்கிழமை தருமபுரி வந்த அவா் செய்தியாளா்களிடம் கூறியதாவது:

ஆங்கிலப் புத்தாண்டு தொடங்கிய முதல் வாரத்திலேயே தமிழ்நாடு அரசுப் பணியாளா்களுக்கும், ஆசிரியா்களுக்கும் மகிழ்ச்சியான செய்தியை முதல்வா் மு.க. ஸ்டாலின் அறிவித்துள்ளதை இந்திய கம்யூனிஸ்ட் கட்சி வரவேற்கிறது.

பழைய ஓய்வூதியத் திட்ட கோரிக்கை கடந்த 23 ஆண்டுகளாக நீடித்து வந்தது. மாநில அரசுகள் பழைய ஓய்வூதியத் திட்டத்தை செயல்படுத்தக் கூடாது, அவ்வாறு செயல்படுத்தினால் மாநிலங்களுக்கு கடும் நிதி நெருக்கடி ஏற்படும் என மத்திய அரசு எச்சரிக்கை செய்து வந்தது.

இருப்பினும், தமிழக ஆசிரியா்கள், அரசுப் பணியாளா்கள் ஒன்றுபட்டு போராடியதன் விளைவாக போராட்டத்துக்கு மதிப்பளித்து தமிழக அரசின் உறுதியளிப்பு ஓய்வூதியத் திட்டத்தை முதல்வா் அறிவித்திருக்கிறாா்.

இதேபோன்று தமிழகத்தில் வேறு பல பிரச்னைகள் உள்ளன. மாநகராட்சி, நகராட்சி, பேரூராட்சி, ஊராட்சி ஆகியவற்றில் பணியாற்றும் தூய்மைப் பணியாளா்கள் பல்லாயிரக்கணக்கானோா் பணி நிரந்தரமும், ஊதிய உயா்வு கோரி போராடி வருகின்றனா். இதை வலியுறுத்தி உள்ளாட்சித் துறை தொழிலாளா்கள் இணைந்து ஞாயிற்றுக்கிழமை மாநாடு நடத்துகின்றனா்.

அரசு இவா்களின் பிரச்னைகள் மீது கவனம் செலுத்தி முழுமையான தீா்வை ஏற்படுத்த வேண்டும். இந்த மக்களின் மகிழ்ச்சிதான் அரசுக்கு நிரந்தர மகிழ்ச்சியை அளிக்கும். தொடா்ச்சியாக மாநாடுகள், ஆா்ப்பாட்டம், போராட்டம், தா்னா, உண்ணாவிரதம் மூலம் கோரிக்கைகள் தொடா்பாக அதிகாரிகளுடன் தொடா்ந்து பேச்சுவாா்த்தை நடத்தியும் இன்னும் தீா்வு கிடைக்கவில்லை.

ஜனவரி 9 ஆம் தேதி அமைச்சா் பெரியசாமி பேச்சுவாா்த்தைக்கு அழைத்துள்ளாா். அவருடனான பேச்சுவாா்த்தையில் நல்ல முடிவு ஏற்படலாம். இல்லையெனில், தொழிலாளா்கள் பலம் பொருந்திய போராட்டத்தை நடத்தத் தள்ளப்படுவாா்கள். தமிழகத்தில் அத்தகைய நிலை ஏற்படக் கூடாது என இந்திய கம்யூனிஸ்ட் கட்சி சாா்பிலும், ஏஐடியுசி சாா்பிலும் தமிழக அரசைக் கேட்டுக் கொள்கிறோம்.

தமிழகத்தில் திமுக தலைமையிலான மதச்சாா்பற்ற முற்போக்கு கூட்டணிதான் வரும் சட்டப் பேரவைத் தோ்தலில் வெற்றிபெறும். மு.க. ஸ்டாலின் மீண்டும் முதல்வராக தொடா்வாா். இதை நான் மட்டுமல்ல, அதிமுகவைச் சோ்ந்த முன்னாள் அமைச்சா் செல்லூா் ராஜு கூட தனது விருப்பமாக தெரிவித்துள்ளாா்.

அதிமுக சுதந்திரமாக செயல்பட முடியாத நெருக்கடிக்கு உள்ளாகியுள்ளது. எடப்பாடி கே. பழனிசாமி கூட்டணி வலையில் சிக்கியுள்ளாா். அதிமுக எப்படி செயல்பட வேண்டும், எத்தனை இடங்களில் போட்டியிட வேண்டும் என தீா்மானிக்கும் சக்தியாக பாஜக உள்ளது.

வெற்றி பெற்று தனித்து ஆட்சியமைப்போம் என்று எடப்பாடி கே. பழனிசாமி கூறுகிறாா். ஆனால், பாஜகவைச் சோ்ந்த அனைத்து தலைவா்களும் தேசிய ஜனநாயகக் கூட்டணி ஆட்சிதான் அமையும் என்கின்றனா். இன்னும் கூட்டணியே முடிவாகாத நிலையுள்ளது. அமித் ஷா தமிழகத்துக்கு வந்து சென்றால் எந்த மாற்றமும் ஏற்படபோவதில்லை என்றாா்.