தருமபுரி மாவட்டத்தில் காலியாக உள்ள உண்டு உறைவிடப் பள்ளிகளில் ஆசிரியர் பணியிடங்களுக்கு தகுதியுள்ள ஆசிரியர்கள் விண்ணப்பிக்கலாம் என மாவட்ட ஆட்சியர் (பொ) அ.சங்கர் அழைப்பு விடுத்துள்ளார்.
 விண்ணப்பங்களை வரும் ஆக. 24-ஆம் தேதிக்குள், தருமபுரி மாவட்ட ஆதிதிராவிடர் மற்றும் பழங்குடியினர் நல அலுவலகம் அல்லது அரூர் திட்ட அலுவலகத்தில் அளிக்கலாம்.
 இதைத் தொடர்ந்து வரும் ஆக. 31-ஆம் தேதி சென்னையிலுள்ள பழங்குடியினர் நல இயக்குநர் அலுவலகத்தில் தேர்வு மற்றும் நேர்காணல் நடத்தப்படவுள்ளது. தருமபுரி மாவட்டத்தைச் சேர்ந்த இடைநிலை, பட்டதாரி, முதுநிலைப் பட்டதாரி ஆசிரியர்கள் இந்த வாய்ப்பை பயன்படுத்திக் கொள்ளலாம்.