அரூா்: செல்லிடப்பேசிகள், தொலைக்காட்சிகளுக்கு ரீசாா்ஜ் செய்யும் கடைகளை திறக்க அனுமதி வழங்க வேண்டும் என பொதுமக்கள் வலியுறுத்தினா்.

கரோனா நோய் தொற்று பரவுவதைக் கட்டுப்படுத்தும் நோக்கில், 144 தடை உத்தரவு பிறக்கப்பட்டுள்ளது. இதனால், பொதுமக்கள் அனைவரும் வீட்டில் உள்ளனா். வெளியிடங்களுக்கு செல்லும் பொதுமக்கள் சமூக இடைவெளியே கடைப்பிடிக்கின்றனா்.

இந்த நிலையில், செல்லிடப்பேசிகள், தொலைக்காட்சிகள், இணைதள சேவைகளுக்கு ரீசாா்ஜ் செய்யும் கடைகள் இல்லாததால் பொதுமக்கள் சிரமம் அடைகின்றனா். காய்கறிகள், மளிகைப் பொருள்கள், பெட்ரோல், டீசல், இறைச்சிக் கடைகள், மருந்தகங்கள், மருத்துவமனைகளுக்கு அனுமதி வழங்கப்பட்டுள்ளது.

தொலைக்காட்சிகள், செல்லிடப்பேசிகள் இல்லையெனில் பொதுமக்கள் தேவையில்லாமல் வெளியில் வருவதற்கான வாய்ப்புகள் உள்ளன. எனவே, செல்லிடப்பேசிகள், தொலைக்காட்சிகள், இணையதள சேவைகளுக்கு ரீசாா்ஜ் செய்யும் கடைகளை திறக்க மாவட்ட நிா்வாகம் அனுமதி வழங்க வேண்டும் என்பதே பொதுமக்களின் கோரிக்கையாகும்.