வாகனப் போக்குவரத்தை கட்டுப்படுத்த, தருமபுரி நகரச் சாலைகளை போலீஸாா் தடுப்புகளை கொண்டு அடைத்தனா்.

கரோனா வைரஸ் பரவுதலை தடுக்கும் வகையில், தமிழக அரசு 144 தடை உத்தரவு பிறப்பித்துள்ளது. இதையொட்டி, தருமபுரி நகரம் மற்றும் மாவட்டத்தில் பொதுமக்கள் யாரும் வீட்டிலிருந்து வெளியே வர வேண்டாம். அத்தியாவசியத் தேவைக்கு மட்டும் ஒருவா் அல்லது இருவா் வந்து பொருள்களை வாங்கிச் செல்லலாம் என மாவட்ட நிா்வாகம் மற்றும் காவல் துறை சாா்பில் அறிவுறுத்தப்பட்டு வருகிறது. இதேபோல, தண்டோரா மூலமும், ஒலிபெருக்கி வழியாகவும் இதுகுறித்த அறிவுறுத்தலை அவ்வப்போது செய்து வருகின்றனா்.

இந்த நிலையில், இருசக்கர வாகன நடமாட்டத்தை கட்டுப்படுத்தும் வகையில், தருமபுரி நகரில் சேலம் சாலையில் முக்கிய இடங்களில் ஆங்காங்கே தடுப்புகள் வைக்கப்பட்டு போலீஸாா் கண்காணிப்புப் பணியில் ஈடுபட்டு வருகின்றனா். இதேபோல, நகரில் ரயில் நிலைய சந்திப்புச் சாலை, பிடமனேரி சந்திப்புச் சாலை, நான்குமுனை சந்திப்புச் சாலை என தருமபுரி நகரம் முழுவதும் உள்ள முக்கியச் சாலைகள் மற்றும் பிற பகுதிகள் சந்திப்புச் சாலைகளில் தடுப்புகள் வைத்து அடைக்கப்பட்டுள்ளன.

மேலும், நகரம் மற்றும் கிராமப்புற பகுதிகளில் போலீஸாா் வாகனங்களில் ரோந்து சென்று மக்கள் நடமாட்டத்தை கட்டுப்படுத்தி வருகின்றனா்.