நாமக்கல்: 159 பேருக்கு கரோனா தொற்று

நாமக்கல் அரசு மருத்துவமனை மருத்துவா்கள், 53 பெண்கள் உள்பட மாவட்டம் முழுவதும் 159 பேருக்கு ஞாயிற்றுக்கிழமை கரோனா தொற்று உறுதி செய்யப்பட்டது. இதன்மூலம் மொத்த பாதிப்பு எண்ணிக்கை 7,140-ஆக அதிகரித்துள்ளது.

சனிக்கிழமை வரை 6,981 போ் கரோனா தொற்றால் பாதிக்கப்பட்டிருந்தனா்; இவா்களில் 5,969 போ் குணமடைந்தனா்; 86 போ் உயிரிழந்தனா். அரசு, தனியாா் மருத்துவமனைகள், சிறப்பு தனிமைப்படுத்தல் மையங்களில் 1,084 போ் அனுமதிக்கப்பட்டனா்.

ஒருவா் உயிரிழப்பு: கரோனா தொற்றால் பாதிக்கப்பட்ட திருச்செங்கோட்டைச் சோ்ந்த 84 வயது மூதாட்டி பெருந்துறை அரசு மருத்துவக் கல்லூரி மருத்துவமனையில் அனுமதிக்கப்பட்டிருந்தாா். பின்னா், தனியாா் மருத்துவமனைக்கு மாற்றப்பட்ட அவா் சனிக்கிழமை உயிரிழந்தாா். இதையடுத்து, மாவட்டத்தில் உயிரிழந்தவா்களின் மொத்த எண்ணிக்கை 87 ஆக உயா்ந்துள்ளது.