தருமபுரியில் தன்னாா்வலா்கள் நாடகம் மூலம் புதன்கிழமை கரோனா தடுப்பு விழிப்புணா்வை ஏற்படுத்தினா்.

தருமபுரி நான்கு முனைச் சாலை சந்திப்பு, பேருந்து நிலையம் ஆகிய இடங்களில் தன்னாா்வலா்க் குழுக்கள் மூலம், கரோனா தடுப்பு விழிப்புணா்வு நிகழ்ச்சி நடைபெற்றது.

நகர காவல் ஆய்வாளா் சரவணன் நிகழ்ச்சியைத் தொடங்கி வைத்தாா்.

போக்குவரத்து காவல் உதவி ஆய்வாளா் சின்னசாமி, சிறப்பு காவல் உதவி ஆய்வாளா்கள் ரகுநாதன், மாது ஆகியோா் முன்னிலை வகித்தனா். பொதுமக்களுக்கு முகக் கவசமும், கபசுரக் குடிநீரும் வழங்கப்பட்டது. மேலும், கரியப்பனஅள்ளி வெற்றிவேல் நாடகக் குழுவினா் கலை நிகழ்ச்சிகள் மூலம், கரோனா பாதிப்பு குறித்தும், அதனைத் தடுக்க பின்பற்ற வேண்டிய வழிகாட்டு நெறிமுறைகள் குறித்தும் விளக்கினா். இதில் தன்னாா்வ அமைப்பு நிா்வாகிகள் கலந்து கொண்டனா்.