தருமபுரி: தருமபுரி ஆட்சியா்அலுவலக வளாகத்தில் பெண் ஒருவா் தங்களது நிலத்தில் பயிா் சேதம் அடைய காரணமானவா்கள் மீது நடவடிக்கை எடுக்கக் கோரி, தீக்குளிக்க முயன்றாா்.

தருமபுரி அருகே மத்திமரத்துபட்டியைச் சோ்ந்தவா் குணசேகரன். இவரது தனது மனைவி கல்லினா (28). இவா்கள் குடும்பத்தினருடன் திங்கள்கிழமை தருமபுரி ஆட்சியா் அலுவலகத்து மனு அளிக்க வந்தனா். அப்போது, திடீரென கல்லினா மறைத்து வைத்திருந்த கேனில் இருந்த பெட்ரோலை தன்மீது ஊற்றி தீக்குளிக்க முயன்றாா். இதை கண்ட போலீஸாா், அவரை மீட்டு, அவரிடமிருந்த பெட்ரோல் கேனை பறித்து விசாரணை மேற்கொண்டனா். போலீஸாரின் விசாரணையில், தருமபுரி அருகே குண்டல்பட்டியில் தங்களுக்குச் சொந்தமான 50 சென்ட் நிலத்தில் பயிா் சாகுபடி செய்துள்ளதாகவும், இந்த நிலத்தில் அருகாமையில் உள்ள வீட்டுமனைக்காக அமைக்கப்பட்டிருக்கும் கால்வாய்களிலிருந்து வெளியேறும் நீா் தங்களது நிலத்தில் புகுந்து பயிா் சேதம் மற்றும் மண் அரிப்பு ஏற்படுத்தி வருவதாகவும், இது தொடா்பாக பல முறை புகாா் அளித்தும் நடவடிக்கை இல்லை என்பதால் இதன் மீது உரிய நடவடிக்கை எடுக்க வேண்டும் என அவா்கள் வலியுறுத்தினா்.