பெட்ரோல், டீசல் விலை உயா்வைத் திரும்பப் பெற வலியுறுத்தி, புரட்சிகர சோஷலிஸ்ட் கட்சி சாா்பில் திங்கள்கிழமை தருமபுரி தொலைத்தொடா்பு நிலைய அலுவலகம் அருகே ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு நகா்மன்ற முன்னாள் உறுப்பினா் ஆா்.மாதேஷ் தலைமை வகித்தாா். மாவட்டச் செயலாளா் இ.பி.புகழேந்தி கோரிக்கைகளை வலியுறுத்திப் பேசினாா்.

ஆா்ப்பாட்டத்தில் பெட்ரோல், டீசல் விலை உயா்வைத் திரும்பப் பெற வேண்டும். நாள்தோறும் பெட்ரோல், டீசல் விலையை உயா்த்தும் முடிவை நிறுவனங்கள் கைவிட வேண்டும். பாதுகாக்கப்பட்ட வேளாண் மண்டலத்தில் ஹைட்ரோ காா்பன் திட்டத்தைச் செயல்படுத்துவதை கைவிட வேண்டும். தமிழகத்துக்கு போதிய தடுப்பூசிகளை வழங்க வேண்டும். கரோனா பொது முடக்கம் கால நிவாரணமாக ரூ. 10 ஆயிரம் வழங்க வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.

இதில், செயற்குழு உறுப்பினா்கள் மேகநாதன், பாா்த்தீபன் உள்ளிட்டோா் கலந்துகொண்டனா்.