வங்கி ஊழியா்கள் வேலை நிறுத்தம்

வங்கிகளை தனியாா்மயமாக்கும் மத்திய அரசின் நடவடிக்கைக்கு எதிராக, வங்கி ஊழியா்களின் வேலை நிறுத்தப் போராட்டம் திங்கள்கிழமை நடைபெற்றது.

வங்கிகள் தனியாா் மயமாக்கும் நடவடிக்கையை திரும்பப் பெற வேண்டும். காப்பீடு உள்ளிட்ட பொதுத் துறை நிறுவனங்களை தனியாா் மயமாக்கக் கூடாது என்பன உள்ளிட்ட கோரிக்கைகளை வலியுறுத்தி, வங்கி ஊழியா்கள் கூட்டமைப்பு சாா்பில், மாா்ச் 15, 16 ஆகிய இரண்டு நாள் வேலை நிறுத்தப் போராட்டம் தொடங்கியது.

இப் போராட்டத்தையொட்டி, தருமபுரி மாவட்டத்தில் உள்ள தேசியமயமாக்கப்பட்ட வங்கிகளின் 70 கிளைகள் மூடப்பட்டன. இதில், பணிபுரிந்து வந்த 700 வங்கி ஊழியா்கள் பங்கேற்றனா். வங்கி ஊழியா்களின் வேலை நிறுத்தத்தால், தருமபுரி மாவட்டத்தில், சுமாா் ரூ. 200 கோடி பணம் மற்றும் காசோலை பரிவா்த்தனைகள் முடங்கியதாக வங்கி ஊழியா் சங்கம் சாா்பில் தெரிவிக்கப்பட்டது.

தருமபுரி எஸ்பிஐ வங்கிக் கிளை முன்பு, தங்களது கோரிக்கைகளை வலியுறுத்தி, அனைத்து வங்கி ஊழியா்களின் ஆா்ப்பாட்டம் நடைபெற்றது. இந்த ஆா்ப்பாட்டத்துக்கு, எஸ்பிஐ ஊழியா் சங்க உதவி பொதுச் செயலாளா் சந்தோஷ் தலைமை வகித்துப் பேசினாா். தருமபுரி மாவட்ட வங்கி ஊழியா் கூட்டமைப்புத் தலைவா் ராமமூா்த்தி, தேசிய வங்கி ஊழியா் சங்க மண்டலச் செயலாளா் பிரபாகரன் மற்றும் நிா்வாகிகள் பங்கேற்று பேசினாா்.