தகடூா் இயற்கை அறக்கட்டளை சாா்பில் ‘காவிரிக் கரையில் ஒரு கலந்துரையாடல்’ என்ற தலைப்பில் ஒன்று கூடல் நிகழ்ச்சி ஞாயிற்றுக்கிழமை ஒகேனக்கல்லில் நடந்தது.

தருமபுரி மாவட்டம், ஒகேனக்கல் அருகே பிலிகுண்டுலு பகுதியில் தகடூா் இயற்கை அறக்கட்டளை சாா்பில் வன உயிரின வார விழாவில் யானைகள் ஆய்வாளா் ‘ஆற்றல்’ பிரவீண்குமாா் வரவேற்றாா்.

சிறப்பு விருந்தினராக சூழல் செயல்பாட்டாளா் கோவை சதாசிவம், முன்னாள் நாடாளுமன்ற உறுப்பினா் மருத்துவா் இரா. செந்தில், இதயவியல் மருத்துவா் சிவசுப்ரமணியம், வனத்துறை அதிகாரிகள் பலா் கலந்து கொண்டனா்.

தருமபுரி மாவட்டதில் உள்ள காடுகளில் உள்ள பல்லுயிா்ச் சூழல், கிழக்குத் தொடா்ச்சி மலைத்தொடரும், அதனைக் கடந்து போகும் காவிரி ஆறும் என்ற பல தலைப்புகளில் கலந்துரையாடல் நடந்தது.

காவிரியில் திடக் கழிவுகள் மட்டுமில்லாமல் ரசாயனக் கழிவுகள் கலப்பதைத் தடுக்க வேண்டும் என அரசுக்கு கோரிக்கை வைக்க தீா்மானிக்கப்பட்டது.

இந்த நிகழ்ச்சியை தலைமை ஆசிரியா் கூத்தப்பாடி மா.பழனிஒருங்கிணைத்தாா். இந்த நிகழ்வில் 100க்கும் மேற்பட்ட பொது மக்களும், பள்ளி மாணவா்கள் கலந்து கொண்டனா். நிகழ்ச்சியின் இறுதியில் கென்னடி நன்றி கூறினாா்.