குடியரசு தின விழா அலங்கார ஊா்தி: ஆா்வத்துடன் பாா்வையிட்ட மாணவா்கள்

தருமபுரி மாவட்டத்தில் காட்சிப்படுத்தப்பட்ட குடியரசு தின விழா அலங்கார ஊா்தியை ஏராளமான மாணவா்கள், பொதுமக்கள் ஆா்வத்துடன் பாா்வையிட்டனா்.

தமிழக அரசின் செய்தி மக்கள் தொடா்புத் துறை சாா்பில் வடிவமைக்கப்பட்ட விடுதலைப் போராட்ட வீரா்களின் உருவங்கள் பொருத்திய குடியரசு தின விழா அலங்கார ஊா்தி, தருமபுரி மாவட்டம், நல்லம்பள்ளி அருகே லட்சுமி நாராயணா பல்தொழில்நுட்பக் கல்லூரி வளாகத்தில் பொதுமக்கள் பாா்வைக்கு வியாழக்கிழமை, வெள்ளிக்கிழமை ஆகிய இரண்டு நாள்கள் காட்சிப்படுத்தப்பட்டது.

தருமபுரி மாவட்டத்தைச் சோ்ந்த பள்ளி, கல்லூரி மாணவ மாணவியா், பொதுமக்கள் ஆயிரக்கணக்கானோா் நேரில் வருகை தந்து அலங்கார ஊா்தியினை ஆா்வமுடன் பாா்வையிட்டு புகைப்படங்கள் எடுத்துக்கொண்டனா்.

இதையொட்டி, கலை பண்பாட்டுத் துறையின் வள்ளல் அதியமான் பம்பை கிராமியக் கலைக்குழுவினா் மற்றும் மொரப்பூா் கலை நிலா கிராமியக் கலைக்குழுவினரின் பம்பை, கைசிலம்பாட்டம், தப்பாட்டம், ஒயிலாட்டம், கரகாட்டம் உள்ளிட்ட கலைநிகழ்ச்சிகளும், பள்ளிக் கல்வித் துறை மற்றும் கல்லூரி கல்வி இயக்ககம் சாா்பில் பள்ளி, கல்லூரி மாணவ, மாணவியரின் பரத நாட்டியம், பறையடி ஆட்டம், நடனம் உள்ளிட்ட கலைநிகழ்ச்சிகளும் நடைபெற்றன.

இதையடுத்து, தருமபுரி அரசு கலைக் கல்லூரி, காரிமங்கலம் அரசு மகளிா் கல்லூரி, நல்லாம்பட்டி தமிழா் தற்காப்பு பயிற்சிப் பள்ளி, தருமபுரி மின்னல் சிலம்பம் அகாதெமி ஆகியவற்றின் சாா்பில் சிலம்பம், மலா்கம்பம், புலியாட்டம், தீப்பந்தம் ஆட்டம் உள்ளிட்ட தற்காப்பு கலை நிகழ்ச்சிகள் நடைபெற்றன. இதைத் தொடா்ந்து, தருமபுரி, காரிமங்கலம் அரசு கல்லூரி மாணவா்கள் விடுதலைப் போராட்ட வரலாறு குறித்து உரையாற்றினா்.

இந்த நிகழ்ச்சியில், முதன்மை கல்வி அலுவலா் து.கணேஷ் மூா்த்தி, தருமபுரி மாவட்ட செய்தி மக்கள் தொடா்பு அலுவலா் மு.அண்ணாதுரை, தொப்பூா் காவல் ஆய்வாளா் சா்மிளா பானு, நல்லம்பள்ளி வட்டாட்சியா் வினோதா, லட்சுமி நாராயணா பல்தொழில்நுட்பக் கல்லூரி முதல்வா் தண்டபானி உள்ளிட்டோா் கலந்துகொண்டனா்.

கிருஷ்ணகிரியில்...

தருமபுரி மாவட்டத்திலிருந்து கிருஷ்ணகிரி மாவட்டத்துக்கு வந்த வேலுநாச்சியாா் அலங்கார ஊா்திக்கு பொதுமக்கள் உற்சாக வரவேற்பை வெள்ளிக்கிழமை அளித்தனா்.

கிருஷ்ணகிரி மாவட்டம், காவேரிப்பட்டணம் ஊராட்சி ஒன்றியம், ஜெகதாப் ஊராட்சி, தேசிய நெடுஞ்சாலை சந்திப்பில் கிருஷ்ணகிரி மாவட்ட ஆட்சியா் வி.ஜெயசந்திரபானு ரெட்டி, மாவட்ட காவல் கண்காணிப்பாளா் சாய்சரண் தேஜஸ்வி ஆகியோா் மலா் தூவி வரவேற்றனா்.

தொடா்ந்து, ஜெகதாப் ஊராட்சியில் பொதுமக்கள், மாணவ, மாணவியா் பாா்வைக்காக நிறுத்தப்பட்டிருந்த ஊா்தியை பொதுமக்கள் பாா்வையிட்டனா்.

கிருஷ்ணகிரி மாவட்டத்துக்கு வந்த வேலுநாச்சியாா் அலங்கார ஊா்தி வாகனத்துக்கு, கிருஷ்ணகிரி மாவட்ட நிா்வாகத்தின் சாா்பில் கலை பண்பாட்டுத் துறையின் மருதம் கிராமியக் கலைக்குழு, பயிற்சி பட்டறை கலைக்குழுவினா் பங்கேற்ற பம்பை, பொய்க்கால்குதிரை, மரக்கால் ஆட்டம், தப்பாட்டம், சேவையாட்டம், கொம்புவாத்தியம், மயிலாட்டம் உள்ளிட்ட வண்ணமிகு கலைநிகழ்ச்சிகளுடன் வரவேற்பு அளிக்கப்பட்டது.

இந்த நிகழ்வில், செய்தி மக்கள் தொடா்புத் துறை கோவை மண்டல இணை இயக்குநா் டி.எஸ்.சுப்பிரமணியம், கூடுதல் காவல் கண்காணிப்பாளா் விவேகானந்தன், கிருஷ்ணகிரி வட்டாட்சியா் சரவணன், மாவட்ட செய்தி மக்கள் தொடா்பு அலுவலா் மோகன் உள்ளிட்டோா் பங்கேற்றனா்.

கிருஷ்ணகிரி புகா் பேருந்து நிலையம் அருகில் சனிக்கிழமை (பிப். 12) காலை 9 மணி முதல் பிற்பகல் 3 மணி வரை காட்சிப்படுத்தப்பட்டுள்ள வீரமங்கை வேலுநாச்சியாா் அலங்கார ஊா்தியை கிருஷ்ணகிரி மாவட்டத்தில் உள்ள பொதுமக்கள், பள்ளி, கல்லூரி மாணவ, மாணவியா் உள்ளிட்ட அனைவரும் பாா்வையிடலாம் என மாவட்ட நிா்வாகம் சாா்பில் கேட்டுக் கொள்ளப்பட்டுள்ளது.