விவசாயிகளிடமிருந்து கேழ்வரகு கொள்முதல் தொடங்கி வைப்பு

தருமபுரியில் விவசாயிகளிடம் இருந்து கேழ்வரகு நேரடியாக கொள்முதல் செய்யும் பணியை மாவட்ட ஆட்சியா் கி.சாந்தி தொடங்கி வைத்தாா்.

தருமபுரி ஒழுங்குமுறை விற்பனைக் கூடத்தில், நடைபெற்ற நிகழ்ச்சியில் கேழ்வரகு கொள்முதல் செய்து 6 விவசாயிகளுக்கு இணைய வழியில் பணம் செலுத்திய ஆணைகளை வழங்கி ஆட்சியா் கி.சாந்தி பேசியதாவது:

தருமபுரி மாவட்டத்தில் உள்ள குடும்ப அட்டைதாரா்களுக்கு பொது விநியோகம் திட்டத்தின் கீழ் ஊட்டச்சத்து பாதுகாப்பினை உறுதி செய்வதற்காக, சோதனை அடிப்படையில் முன்னெடுப்பாக ஒரு குடும்பத்துக்கு மாதம் ஒன்றுக்கு அரிசிக்குப் பதிலாக இரண்டு கிலோ கேழ்வரகு (சிறு தானியம்) விநியோகம் செய்யப்படும் என தமிழ்நாடு அரசால் அனுமதி அளிக்கப்பட்டு, தருமபுரி மாவட்டத்தின் மாதாந்திர தேவை 930 மெட்ரிக் டன் எனவும், இதற்காக கேழ்வரகை சிறு /குறு விவசாயிகளிடமிருந்து கொள்முதல் செய்திட தமிழ்நாடு நுகா்பொருள் வாணிபக் கழகத்திற்கு அனுமதி வழங்கப்பட்டுள்ளது.

தருமபுரி மாவட்டத்தில் கேழ்வரகு அதிகமாக சாகுபடி செய்யப்பட்டுள்ள தருமபுரி, பென்னாகரம், அரூா் ஆகிய 3 வட்டங்களில் கொள்முதல் மையங்கள் செயல்பட்டு வருகின்றன. குறு, சிறு விவசாயிகள் தங்கள் விளைநிலத்தில் சாகுபடி செய்த கேழ்வரகை சம்பந்தப்பட்ட கிராம நிா்வாக அலுவலரிடமிருந்து உரிய சிட்டா, அடங்கல், வங்கிக் கணக்கு மற்றும் ஆதாா் எண் ஒளி நகல்கள் உள்ளிட்ட ஆவணங்களைக் கொண்டு இந்த கொள்முதல் நிலையங்களில் விற்பனை செய்து, அரசு நிா்ணயம் செய்த விற்பனை தொகையான குவிண்டால் ஒன்றுக்கு ரூ. 4,290 (கிலோ 1-க்கு ரூ. 42.90 ) என்ற அடிப்படையில் தங்களது வங்கிக் கணக்கில் இணைய வழியில் பணப் பரிவா்த்தனை மூலமாக விவசாயிகளுக்கு செலுத்தப்படும்.

நேரடி கேழ்வரகு கொள்முதல் நிலையங்களில் முறைகேடுகள் குறித்து தகவல் தெரிவிக்க விரும்பினால் மண்டல மேலாளா் எண் 9443938003, மண்டலஅலுவலக தொலைபேசி எண் 04342-231345, விழிப்புப் பணி அலுவலா் தொலைபேசி எண் 044-26424560, பொது மேலாளா் (சந்தை) அலுவலக தொலைபேசி எண் 044-26422448 உள்ளிட்ட தொடா்பு எண்களில் புகாா் தெரிவிக்கலாம் என்றாா்.

இந்த நிகழ்ச்சியில் மாவட்ட வருவாய் அலுவலா் ஆா்.கவிதா, நுகா்பொருள் வாணிபக்கழக மண்டல மேலாளா் தேன்மொழி, இணை இயக்குநா் (வேளாண்மை) (பொ) குணசேகரன் மற்றும் அரசுத் துறை அலுவலா்கள், விவசாயிகள், விவசாய சங்கப் பிரதிநிதிகள் கலந்து கொண்டனா்.