கிருஷ்ணகிரி அரசு அருங்காட்சியகத்தில் கோடைக் கால இலவச பயிற்சி முகாம் நடைபெறுகிறது.
இதுகுறித்து, கிருஷ்ணகிரி அரசு அருங்காட்சியகக் காப்பாட்சியர் கோவிந்தராஜ், புதன்கிழமை வெளியிட்ட செய்திக் குறிப்பு:
சர்வதேச அருங்காட்சியக தினத்தையொட்டி, கிருஷ்ணகிரி காந்தி சாலையில் அரசு மேல்நிலைப் பள்ளி எதிரே உள்ள அரசு அருங்காட்சியகத்தில் கோடைகால இலவச கலைப் பயிற்சி முகாம் மே-6 முதல் 9-ஆம் தேதி வரை நடைபெறுகிறது.
இலவசமாக நடைபெறும் இந்தக் கலைப் பயிற்சி முகாமில் யோகா, சாக்பீஸ் பொம்மைகள் உருவாக்குதல், ஓவியப் பயிற்சி, களிமண்ணில் உருவங்கள் வடிவமைத்தல் போன்ற பயிற்சிகள் அளிக்கப்பட உள்ளன. இந்தப் பயிற்சி காலை 10 முதல் மதியம் 1 மணி வரையில் நடைபெறும். இதில் பள்ளி மாணவர்கள் பங்கேற்கலாம்.
மேலும் விவரங்களுக்கு 94434-42991 என்ற செல்லிடப்பேசி எண்ணில் தொடர்பு கொள்ளலாம். பயிற்சியின் முடிவில் சான்றிதழ்கள் வழங்கப்படும் என அதில் அவர் தெரிவித்துள்ளார்.