இடுபொருள் விற்பனையாளர் சான்றிதழுக்கான வேளாண் இடுபொருள் பட்டயப் படிப்புக்கான சேர்க்கை அறிவிக்கப்பட்டுள்ளது.
இதுகுறித்து கிருஷ்ணகிரி மாவட்டம், பையூர் வேளாண் மண்டல ஆராய்ச்சி நிலையத் தலைவர் தமிழ்செல்வன் வெள்ளிக்கிழமை வெளியிட்ட செய்திக் குறிப்பு: தமிழ்நாடு வேளாண் பல்கலைக்கழகத் திறந்தவெளி மற்றும் தொலைதூரக் கல்வி இயக்கத்தின் வழியாக இடுபொருள் விற்பனையாளர் சான்றிதழுக்கான வேளாண் இடுபொருள் பட்டயப் படிப்பு 2019-2020-ஆம் கல்வியாண்டின் சேர்க்கை இந்தாண்டு நடைபெற உள்ளது. இந்தப் படிப்பில் வேளாண் இடுபொருள் விற்பனையாளர்கள், வேளாண் சார்ந்த தொழில்புரிவோர் மற்றும் தொழில்புரிவோர் சேர்ந்து பயன் பெறலாம். 
கல்வித் தகுதி: 10-ஆம் வகுப்பு தேர்ச்சி மற்றும் தோல்வியாகும். 18 வயது நிரம்பியவர்கள் இந்தப் பட்டப் படிப்பில் சேரலாம். இதற்கான விண்ணப்பப் படிவத்தை w‌w‌w.‌t‌n​a‌u.​a​c.‌i‌n என்ற இணையதள முகவரியில் பதிவிறக்கம் செய்து விண்ணப்பித்து பயன் பெறலாம். விண்ணப்பிக்க ஜூன் 30-ஆம் தேதி கடைசி நாளாகும். மேலும் விவரங்களுக்கு, 9442111048 , 0422-6611229 மற்றும் 04343-290600 என்ற எண்களில் தொடர்பு கொள்ளலாம்.